Onlar sadəcə ki, mənim seçki kampaniyamın
pozulmasında polislərin iştirak etməsinə etirazlarını bildirirdilər
və reaksiya göstərilməsini tələb edirdilər
– bu
haqda jurnalistlərə Sandra Rulovs “Milli Hərəkatın” üç üzvünün
saxlanılmasını şərh edərkən bildirib.
Birləşmiş müxalifətin Zuqdidi merliyinə namizədinin sözlərinə görə,
o, “saxlanılanların nə ilə ittiham olunduğunu başa düşmür”.
“Bütün gün əhali ilə görüşlərdə idik və bir maşın bizi
təqib edirdi. İçində iki adam var idi. Biz onları qeydə aldıq,
müəyyən etdik ki, kimlərdir. Maşının şəklini də çəkdim və məlum
oldu ki, onlar polislərdir. Hüquq müahfizəçilərinə zəng vurduq və
qanunsuz hərəkət edən bu iki nəfəri saxlamaq əvəzinə əhali ilə
görüşməkdə bizə mane olurdular, bizi təxribatçı adlandırırdılar,
bunun əvəzinə bizim üç adamımızı saxladılar. Onlar sadəcə buna
etiraz edirdilər. Bu çox qəbuledilməz faktdır. Təxribatçıların və
polislərin bu işə qoşulması məni qorxutmaq, terror, maneəçilik
etmək üçün lazımdır. Çünki biz əhaliyə həqiqəti deyirik, biz xalqa
inkişaf, qul olmaqdan azadlığa çıxmağı təklif edirik. Ölkə uçuruma
getməmiş biz hərəkət etməliyik və Gürcüstanı azad etməyə Zuqdididən
başlayırıq. Ona görə də biz qorxmuruq”, – Sandra
Rulovs bildirib.
Bu gün Zuqdididə “Milli Hərəkatın” mətbuat xidmətinin rəhbəri
Qiorqi Pataraia, partiya üzvləri Ani Tsitladze və Manuçar Çxedia
saxlanılıb.