"Biz seçkilərin gedişi zamanı Marneulidə daha ağır vəziyyətlərin şahidi oluruq" – Qivi Tarqamadze
“Əlbəttə, biz seçkilərin gedişi zamanı Marneulidə daha ağır
vəziyyətlərin şahidi oluruq. Bu gün elə də gərginlik olmadı.
Zuqdidi ilə müqayisə edə bilmərəm, lakin Zuqdidi ölkədə seçkilərin
keçirilməsi üçün ölçü ola bilməz”, – bu bəyanatı müxalifətin
nümayəndəsi Qivi Tarqamadze Marneulidə növbədənkənar mer seçkiləri
başa çatandan sonra verib. Onun dediyinə görə, Marneulidə seçkilər
zamanı qarşılaşılan əsas problemlər aradan qaldırılmalıdır.
“Təəssüf ki, əsas problem qalmaqda davam edir. Bu seçkidən öncəki
günlərdə pul paylanmasından əlavə meriyanın tabeliyində olan
təşkilatların nümayəndələrindən daim istifadə olunmasıdır. Belə
halda praktiki olaraq insanların ciblərindən çıxan pulla
qeyri-siyasi fiqurlar hakim qüvvənin qalibiyyəti üçün çalışır.
Əlbəttə, qorxutma və şantaj da var ki, qeyri-bərabər şərtlərdən
irəli gəlir”, – Tarqamadze deyir.
Marneulidə növbədənkənar mer seçkilərində 15 namizəd mübarizə
aparırdı. Dairə seçki komissiyasının sədrinin dediyinə görə, bütün
məntəqələr vaxtında bağlanıb. Seçkilərdə 99 717 seçicidən 35 714
nəfər səs verib.