Ermənistan-Azərbaycan sərhədində azərbaycanlı hərbçi həlak olub.
Bu barədə Azərbaycan mətbuatı məlumat yayıb. Azərbaycan ordusunun
kiçik serjantı Elşən Əli oğlu Məmmədov Tovuz rayonunda həlak
olub.
Azərbaycanın Müdafiə Nazirliyinin məlumatına görə,
hərbçi Ermənistan-Azərbaycanın dövlət sərhədində, Tovuz
istiqamətində “növbəti təxribat nəticəsində” həlak olub.
Azərbaycanın Müdafiə Nazirliyinin verdiyi məlumata görə “cəbhədə
vəziyyətin gərginləşməsinə görə Ermənistanın hərbi-siyasi
rəhbərliyi tam məsuliyyət daşıyır.”
Ermənistan agentliyi “News Am” yazır ki, Ermənistanın Müdafiə
Nazirliyi sərhəddə azərbaycanlı hərbçisinin həlak olması barədə
məlumata malik deyil.
“Dünyasını dəyişən azərbaycanlı hərbçi ilə bağlı
Ermənistanın Müdafiə Nazirliyinin məlumatı yoxdur. Ancaq biz
dəfələrlə bildirdik ki, Ermənistan-Azərbaycan sərhədində riskin
azaldılması mexanizminin qəbul edilməməsi yolverilməzdir və
gərginlik yaradır”, – Müdafiə Nazirliyinin mətbuat
katibi Şuşan Stepanyan bildirib.