Parlamentin sədri Arçil Talakvadze, "Rustavi 2"-nin efirində
"Ədalətli Seçkilər" təşkilatının səslərin paralel sayım
nəticələrinin yoxlanılması əsnasında aşkarlanan
uyğunsuzluqlara düzəliş edildiyini bildirən açıqlamasına fikir
bildirib. Talakvadzenin sözlərinə görə paralel sayma və MSK
məlumatları üst-üstə düşdüyü üçün, müxalifət seçki saxtakarlığı
iddialarına görə üzr istəməlidir. Buna görə də, Talakvadze
müxalifət üçün yeganə yolun üzr istəmək və parlamentə girmək
olduğunu söyləyib.
“Ədalətli seçkilərin" bu elanından sonra həm Gürcüstanın dördüncü
prezidenti [Qiorqi Marqvelaşvili], həm də bütün müxalifət üzr
istəməlidir, çünki indi müxalifətin əsas ittihamlarının - seçkinin
saxtalaşdırılması ittihamlarının əsassız olduğunu canlı yayımdan
oxudunuz. Yəni saxtakarlıq olmayıb və mandatların sayı həqiqətən də
Mərkəzi Seçki Komissiyasının nəticələrinin göstərdiyi şəkildə
bölüşdürülüb. Söhbətin nədən getdiyini ictimaiyyətə izah edəcəyəm:
MSK-ya paralel olaraq illərdir Gürcüstan seçkilərini müşahidə edən
və 800-dən çox seçki məntəqəsində seçkilərin nəticələrini müstəqil
şəkildə sayan "Ədalətli Seçkilər" təşkilatı bu gün paralel saymanın
nəticələrinin, demək olar ki, MSK-nın nəticələri ilə eyni olduğuna
dair bir açıqlama edib",- deyə Talakvadze bildirib.
QHT "Ədalətli Seçkilər" (ISFED), 2020-ci il Parlament seçkiləri
üçün paralel səs sayımının (PVT) nəticələrində yoxlayış zamanı
müəyyən edilmiş nöqsanlar əsasında düzəlişlər edilib və bu
səbəbdən, hakim partiya və digər baryeri aşmış partiyaların əksər
hissəsinin aldığı səs faizi artıb. Düzəliş edilmiş məlumatlara
əsasən, yanılma payı nəzərə alındıqda ISFED-in paralel sayılması
nəticələri MSK-nın rəsmi məlumatları ilə üst-üstə düşür.
Bundan əvvəl ISFED-in paralel sayımına görə, "Gürcü Arzusu"-nun
aldığı səslərin nisbəti 45,8%, düzəlişdən sonra 47,6% olub. Fərq
1,8%-dir. Mərkəzi Seçki Komissiyasının rəsmi məlumatlarına görə,
"Gürcü Arzusu" 48,2% alıb, bu da ISFED-in paralel sayma
məlumatlarından 0,4% çoxdur. Ancaq ISFED, yanılma payının 0,7%
olduğunu söyləyir. VMH partiyasının reytinqi yüzdə 1% artaraq 27,4%
olub. MSK-nın rəsmi nəticələrinə görə, VMH/"Güc Birlikdədir" 27,18%
səs toplayıb. ISFED-in yanılma payı 0,6%-dir. Digər baryeri aşan
partiyaların göstəriciləri də bir qədər artmışdır (0,1%).
Mənbə:
Netgazeti