"Avropalı Gürcüstan"-ın liderlərindən Qiqi Uqulavanın sözlərinə
görə, Bidzina İvanişvili və "Gürcü Arzusu" rejimi "Vahid Milli
Hərəkatın" lideri Nika Melianın həbsi ilə öz sonunu gətirib.
Onun sözlərinə görə, Bidzina İvanişvili artıq bu ölkədə yaşaya
bilməz, çünki bu kimi faktlar cəzalandırılmadan qalmır.
Eyni zamanda, bu gün saat 15:00-da müxalifətin toplanacağını və
mübarizələrinin növbəti metodlarını elan edəcəyini söyləyib.
“Həbsxana bir faciə deyil, həbsxana insanları
gücləndirir. Nika hər birimiz üçün, eyni zamanda hər bir
vətəndaşımız, azadlığı sevən və azadlıq uğrunda mübarizə aparan
insanlar üçün bir mübarizə nümunəsi göstərdi, o, sakit və davamlı
idi. Bayrağı endirməmək bizim borcumuzdur. Mübarizəni davam
etdirmək bizim borcumuzdur. Bu gün, 23 fevral, Sovet Ordusu
Günüdür. Bu Rodionov İvanişvili Sovet diktaturasını qurub. Bu gün
burada baş verənlər ölkəmizin tarixində utancverici bir ləkədir və
bu ləkə təəssüf ki, uzun müddət yuyulmacaq. Bu gün saat 15:00-da
dəftərxananın qarşısında görüşürük. Növbəti mübarizə metodlarını
elan edəcəyik. Mən şəxsən, bir çox insanla birlikdə İvanişviliyə
söz verirəm ki, bu gün onun üçün həlledici gün olacaq. O, bu gün öz
sonunun təməlini qoydu. Artıq bu ölkədə yaşaya bilməz. Onun yeri
artıq bu ölkə olmayacaq", – deyə Uqulava bəyan
edib.
Məlumat üçün bildirək ki, xüsusi əməliyyat qrupu "Milli Hərəkat"-ın
sədri Nika Melianı həbs edib. Hüquq mühafizəçiləri Nika Melianı
partiyanın ofisində, öz kabinetində saxlayıblar. Bundan əvvəl
partiyanın ofisində hüquq-mühafizə orqanları "gözyaşardıcı qazdan"
istifadə ediblər.