“Gürcü Arzusu” partiyası 26 sentyabr tarixində, seçkilərdən 6 gün
əvvəl Marneuli bələdiyyəsi üzrə seçki proqramını yayımlayıb.
Marneuli meri vəzifəsinə namizəd Kənan Ömərov isə yerlilərə
proqramı bu gün, 30 sentyabr tarixində, seçkilərə iki gün qalmış
təqdim edib.
Seçki proqramı bir neçə istiqaməti əhatə edir. Proqramda
bələdiyyədə iqtidar komandası tərəfindən illər ərzində həyata
keçirilmiş fəaliyyət və gələcək planlar təsvir olunub.
İqtisadiyyat, kənd təsərrüfatı, səhiyyə, sosial müdafiə, təhsil,
mədəniyyət və idman istiqamətində həyata keçiriləcək gələcək
planları təqdim edirik:
Kənd Təsərrüfatı
- Növbəti illərdə kənd təsərrüfatına dəstək olacaq proqramlar
davam etdiriləcək və bu növbəti 4 il ərzində bələdiyyədə neçə
yüzlərlə yeni iş yerinin yaranmasına səbəb olacaq, kənd
təsərrüfatında işlə təmin olunan adamların gəlirinin artmasını
təmin edəcək;
- Ölkə miqyasında 2024-cü ilə qədər 1,2 milyon hektar torpağın
qeydiyyatı həyata keçiriləcək. Bununla torpaq qeydiyyatı problemi
tam həll olunacaq.
- 2024-cü ilə qədər bələdiyyə ərazisində suvarma suyu ilə təmin
edilmiş sahənin 19 348 hektara qədər artırılması
planlaşdırılır.
Turizm
- “Gürcü Arzusu” komandasının planına əsasən, təxmini müddət
ərzində, 2025-ci il üçün ölkəyə 10 milyon turist gələcək. Turizmdən
əldə edilmiş gəlir isə 4,2 milyard lariyə bərabər olacaq.
- 2030-cu ildə Gürcüstan 13 milyon turist qəbul edəcək, gəlir isə
6,5 milyard lariyə çatacaq.
Səhiyyə
- Əhalinin səhiyyə baxımından keyfiyyətli xidmətlərə və müalicə
vasitələrinə əlçatanlığı artacaq.
- Səhiyyə sahəsində işlə təmin olunan heyətin əməkhaqqı və
davamlı təhsil əlçatanlığı artacaq.
- İctimai səhiyyə və prioritet sahələrdə bələdiyyə əhalisinə
tibbi xidmət göstərilməsi üçün keyfiyyətli dövlət proqramları
həyata keçiriləcək.
- Kənd həkimləri və ailə həkimlərinin rolunun mühümlüyü
artacaq.
- Bələdiyyə tərəfindən səhiyyə sahəsinin maliyyələşdirilməsi
artacaq.
- Səhiyyə sahəsində bələdiyyə proqramları genişləndiriləcək.
Sosial müdafiə:
- Davamlı, effektli sosial müdafiə sisteminin qanunvericilik
zəmanətləri yaradılacaq;
- İşlə təmin edilmə və sosial yardım sistemi
təkmilləşdiriləcək;
- Bələdiyyə əhalisinin sosial vəziyyətinin yaxşılaşdırılması üçün
dövlətin məqsədli proqramlarının keyfiyyəti və əlçatanlılığı
artırılacaq;
- Bələdiyyədəki aztəminatlı ailələr yenidən sosial yardımla təmin
olunacaq;
- Hədəf qruplara sosial paketlərin verilməsi davam
etdiriləcək;
- Yerli hakimiyyətin iştirakı ilə sosial müdafiə dövlət
proqramlarının məqsədi və effektivliyi artacaq;
- Bələdiyyə tərəfindən sosial müdafiə sahəsinin
maliyyələşdirilməsi artırılacaq;
- Sosial sahədə bələdiyyə proqramları genişləndiriləcək.
Təhsil və elm istiqamətində həyata
keçiriləcək:
- Bilinqual təhsil metodundan istifadə etməklə, milli azlıqların
məktəbəqədər təhsil müəssisələrində dövlət standarlarının tətbiq
edilməsinə dəstəyə xüsusi diqqət yetiriləcək. Bu isə milli azlıq
nümayəndəsi olan bütün uşaqlara ana və dövlət dilini tam
mənimsəmək, eləcə də müasir ictimai həyata inteqrasiya üçün lazım
olan bütün bacarıqları inkişaf etdirmək imkanı yaradacaq.
- Uşaq bağçalarının tikinti-bərpası davam etdiriləcək. Həmçinin,
Marneuli şəhərinin 1 saylı uşaq bağçasının əsaslı təmiri və binada
tədbirlər üçün zal, iki qrup üçün ayrılmış binanın artırılması (350
min lari) planlaşdırılır; Qızılhacılı kəndi və Marneuli şəhər 4
saylı uşaq bağçasında bərpa işləri aparılacaq, Kəpənəkçi və
Şaumyani kəndlərinin uşaq bağçasında ayaqyolu və mətbəxin bərpası
işləri həyata keçiriləcək (54,1 min lari);
- Bilinqual təhsil metodundan istifadə etməklə qeyri-gürcü dilli
məktəblərdə milli təhsil planının tətbiq edilməsinə xüsusi diqqət
yetiriləcək. Bu milli azlıq nümayəndəsi olan bütün uşaqlara ana və
dövlət dilini tam mənimsəmək imkanı yaradacaq.
- Bələdiyyənin dəstəyi ilə Marneulidə müəyyən edilmiş 6-dan 16
yaşa qədər məktəbdən kənar qalmış uşaqların ailələri/faktiki
qəyyumu ilə uşaqların təhsil hüququnu təmin etmək məqsədi ilə
ünsiyyət qurulacaq.
- Bələdiyyənin ictimai məktəblərinin tikinti-bərpası davam
etdiriləcək: 240 şagird üçün nəzərdə tutulmuş Xuldərə kənd ictimai
məktəbinin tikintisi – 3 milyon 391,2 min lari; 300 şagird üçün
nəzərdə tutulmuş Candar ictimai məktəbinin tikintisi – 3 milyon
882,2 min lari;
- 300 şagird üçün nəzərdə tutulmuş Kürtlər kənd ictimai
məktəbinin tikintisi – 3 milyon 860,8 min lari; 450 şagird üçün
nəzərdə tutulmuş Qasımlı kənd ictimai məktəbinin tikintisi – 6
milyon 168,8 min lari; 450 şagird üçün nəzərdə tutulmuş Şulaveri
ictimai məktəbinin tikintisi – 6 milyon 389,1 min lari;
Mədəniyyət və İdman
- Bələdiyyə əhalisi üçün mədəni sahələrin əlçatanlığı
artacaq;
- Mədəni həyata dəstək olunacaq və mədəni irsi abidələrin
mühafizə-bərpa tədbirləri həyata keçiriləcək;
- Bələdiyyədə Mədəniyyət və Abidələrin Mühafizəsi Nazirliyinin
layihəsi həyata keçiriləcək: qaçqınların sıx məskunlaşdığı
məntəqələrdə incəsənət dərnəklərinin fəaliyyətinə dəstək –
məktəblərdə müxtəlif dərnəklərin (əl işləri, keramika, rəsm,
toxuculuq, xalq rəqsləri) fəaliyyət göstərməsi;
- Tserakvi kompleksinin bərpası planlaşdırılır – 400 min
lari;
- Marneuli şəhərindəki dörd kombinasiya edilmiş mini stadionun
bərpası – 123,4 min lari;
- Bələdiyyə əhalisi arasında idmanın prioritet növ kimi təşviqinə
dəstək göstəriləcək;
- Bacarıqlı uşaqlar və gənclərin idman bacarıqlarını kəşf etmək
üçün, uğurlu idmançılara dəstək davam etdiriləcək və onlar üçün
müvafiq şərait yaradılacaq;
- İdman obyektlərinin tikintisi-bərpası davam etdiriləcək,
sonrakı layihələr həyata keçiriləcək: 2020-2021-ci illərdə,
Marneuli şəhərində futbol meydançasının (UEFA standartlarının
ikinci kateqoriyası səviyyəsində) bərpasına 6 milyon 777,5 lari
xərclənəcək;
- Bələdiyyənin gündəlik fəaliyyətində gənclərin iştirakına və
onların irəli sürdüyü layihələrin həyata keçirilməsinə dəstək
göstəriləcək;
- İdman həyatının inkişafı və gənclərin effektiv siyasət
aparmasına dəstək olacaq layihələr həyata keçiriləcək.
Proqramın ümumi hissəsinə buradan baxa
bilərsiz.