Gürcüstanın Milli Rabitə Komissiyası (GNCC) “Utanc Hərəkatı”nın
hazırladığı
videonu yayımladığına görə “Mtavari” kanalını 111 903 lari
cərimələyib.
Videoda “Gürcü arzusu” üzvlərinin fotoları Vladimir Putinin
obrazını yaradır və fəalların fikrincə, bu obrazdan ölkənin valyuta
məzənnəsinin dəyişməsinə etiraz olaraq istifadə edilib.
Mtavari kanalının hüquqşünası Tamta Muradaşvili deyir ki, cərimə
misilsizdir və komissiya heç kimə belə cərimə tətbiq etməyib.
Vəkilin sözlərinə görə, komissiyanın iclasında onlara hansı maddə
ilə cərimələndiklərini belə bildirməyiblər.
Tamta Muradaşvili komissiyanın qərarını tənqidi mətbuata təzyiq
kimi qiymətləndirir və bildirir ki, məhkəməyə etimadsızlığa
baxmayaraq, qərardan yenə də apellyasiya şikayəti veriləcək:
“Bizi maddəni qeyd etmədən cərimə etdilər. Tamamilə qanunsuz
qərardır, məqsədyönlü şəkildə apardıqları siyasətdir. Bu qərar
vətəndaş fəallarına efir vaxtından istifadə etməyi qadağan
edib.
Bununla belə, cərimə misilsizdir. Yayımçıya qarşı bu həcmdə cərimə
nəzərdə tutulmayıb. Əvvəlcə məhkəməyə verəcəyimiz əsaslandırılmış
qərarı gözləyirik. Sabah yayım hüququndan məhrum ola bilərik. Bu
cərimənin harada hesablandığı bizə aydın deyil. Təəssüf ki, bu,
bütün digər mətbuat vasitələri üçün mesajdır”, - deyə Tamta
Muradaşvili bildirib.
Rabitə Komissiyası bildirir ki, telekanal noyabrın 17 və 18-də
qanunla yayımına icazə verilmədiyi üç videoya görə cərimələnib:
“Oxşar pozuntuya görə Mtavari kanalı artıq ötən il ərzində
cərimələnib, ona görə də illik gəlirin 1%-i məbləğində cərimə
edilib. “Mtavari” kanalı 2019 və 2020-ci illərdə analoji pozuntuya
görə qanun pozucusu kimi tanınıb və cərimələnib.
“Gürcüstanın “Yayım haqqında” qanununa əsasən, yayımçı reklamçı
kimi təqdim etdiyi reklamların Gürcüstan qanunvericiliyinə uyğun
olmasını təmin etməyə və uyğun olmayan reklamların yayımına yol
verməməyə borcludur”, - deyə komissiyada qeyd olunub.
Komissiyanın məlumatına görə, Mtavari kanalının yaydığı mübahisəli
videolardan birində Vahid Milli Hərəkatın həbsdə olan lideri,
Gürcüstanın üçüncü prezidenti Mixeil Saakaşvilinin # Azadlıq
başlığı ilə fotosu, ardınca isə “Gürcü arzusunun” liderlərin
fotoları və Gürcüstan Penitensiar Xidmətinin rəhbərlərinin,
həmçinin Saakaşvilinin işi ilə əlaqəsi olan hakimlərin fotoları
gəlir və hər şəklin sonunda “öldürür” sözü var. Komissiya bildirir
ki, ekranda söz yazılır və videonun sonunda “Mixeil Saakaşvilini
azad edin” çağırışı eşidilir.
İkinci videoda Saakaşvilinin saxlanması və aclıq aksiyası keçirməsi
ilə bağlı Gürcüstanın baş naziri, Nazirlər Kabineti, Gürcüstan
prezidenti, “Gürcü arzusu” siyasi ittifaqının rəhbərləri, deputat
və Tbilisi merinin bəyanatlarından parçalar təqdim olunub.
Bəyanatda “Qatillərə yox deyin”, “# Mişanı azad edin” çağırışı
eşidilir:
Yayımçı həmçinin “Gürcü arzusu” partiyasının üzvlərinin partiya
simvolları və “Gürcü arzusu” kampaniyası musiqisi fonunda
fotolarını əks etdirən video yayımlayıb, klipin sonunda isə “Mənim
Gürcüstanım buradadır” mahnısı oxunarkən Rusiya prezidenti Vladimir
Putinin fotoları yer alıb. Rabitə Komissiyasının yaydığı bəyanatda
deyilir ki, Putin “Utanc” üzün konturunda birləşib və yazılıb ”bu,
utancdır”.
წყარო:
ნეტგაზეთი