"Delta-Webe" Gürcüstan-Polşa şirkətinin pilotsuz uçuş aparatlar
ı müəssisəsinin tikintisi son mərhələdədir. Məlumatı Gürcüstanın
Müdafiə Nazirliyi yayıb.
Müdafiə naziri Cuanşer Burçuladzenin sözlərinə görə, müəssisə yaxın
vaxtlarda Gürcüstan istehsalı olan pilotsuz uçuş aparatlarını
buraxa biləcək.
Gürcüstan-Polşa şirkəti “Delta-Webe” “Delta İnternational” MMC ilə
Polşanın “Webe Electronics” şirkəti arasında bağlanmış müqavilə
əsasında yaradılmışdır.
Sözügedən müəssisədə gürcü və polşalı mütəxəssislər pilotsuz uçuş
aparatlarının istehsalı mövzusunda birgə çalışacaqlar. Hərbi
sənayenin inkişafı məqsədilə “Delta-Webe” MMC ilə Gürcüstan Müdafiə
Nazirliyi arasında regionda ilk pilotsuz uçuş aparatlarının təlim
mərkəzinin açılmasını nəzərdə tutan saziş imzalanıb. Mərkəzin
peşəkar təlimatçıları Müdafiə Qüvvələrinin müvafiq şəxsi heyətini
yenidən hazırlayacaqlar.
Qeyd: Fotoda Gürcüstan-Polşa müəssisəsinin yaratdığı uçan aparatlar
yox, Gürcüstanın arsenalında olan İspaniya istehsalı olan kəşfiyyat
aparatları əks olunub.