Gürcüstan Azərbaycan və Ermənistan liderləri ilə üçtərəfli görüşün
keçirilməsində maraqlıdır.
Bu barədə Gürcüstanın Baş naziri İrakli Qaribaşvili Davosda
keçirilən Ümumdünya İqtisadi Forumunun illik toplantısında
bildirib.
“Biz həqiqətən üçtərəfli görüşün təşkilində maraqlıyıq.
Çünki Azərbaycan, Gürcüstan və Ermənistan regionun üç əsas
oyunçusudur. Biz onu həqiqətən imkanlar, sülh və sabitlik bölgəsinə
çevirə bilərik”, - o deyib.
Baş nazir əlavə edib ki, Gürcüstan Azərbaycan və Ermənistan
arasında münasibətlərin normallaşmasında neytral, qərəzsiz və
obyektiv vasitəçidir.