“Vivamed”in klinik direktoru Zurab Çxaidze bildirib ki, Mixeil
Saakaşvilini reanimasiya şöbəsinə köçürmək lazım deyil.
Gürcüstanın həbsdə olan üçüncü prezidentinin dünən koronavirusa
yoluxduğu təsdiqlənib. “Vivamed”in nümayəndəsi klinikanın girişində
Saakaşvilinin vəziyyəti ilə bağlı jurnalistlərə danışıb.
"Şuranın qərarına əsasən, xəstə palatada qalır və
müalicəsi davam edir. Palata reanimasiya şöbəsində olan bütün
avadanlıqlarla təchiz olunub... Reanimasiyaya keçməkdən söhbət gedə
bilməzdi... Əlbəttə... , onun ümumi vəziyyətini nəzərə alsaq, bütün
bunlar riskləri ehtiva edir.Proqnoz vermək çətindir, gözlənilən
risklər var, təbii ki, amma bu mərhələdə vəziyyət stabildir və
kovidin yüngül təzahürüdür.Xəstəlik olmasa belə, kovid mürəkkəbdir,
bilirsiniz", - deyə bildirib.
Onun vəkili Şalva Xaçapuridze dünən, yanvarın 24-də eks-prezidentin
koronavirusa yoluxması ilə bağlı məlumat yayıb. Elə dünən
“Vivamed”in klinik direktoru Zurab Çxaidze AzadlıqRadiosuna
bildirib ki, Saakaşvilinin vəziyyəti stabildir.