“Vahid Milli Hərəkat”ın sədri seçkisi ilə bağlı seçicilərin
qeydiyyatı başa çatıb.
Partiyanın yaydığı məlumata görə, 49 756 nəfər səsvermədə iştirak
etmək üçün qeydiyyatdan keçib.
Qeydiyyat başa çatdıqdan sonra yaxın iki gün ərzində qeydiyyatdan
keçmiş şəxslər yoxlanılacaq. Xüsusən də sədrliyə namizədlərin
nümayəndələrindən ibarət xüsusi qrup qeydiyyatdan keçən şəxsin real
partiya tərəfdarı olub-olmamasını, prosesi gözdən salmağa cəhd
edib-etmədiyini öyrənəcək.
Bir şəxsin həqiqətən də VMH-ın tərəfdarı olub-olmadığını müəyyən
etmək üçün bu şəxsin qeydiyyat zamanı avtomatik olaraq qeyd olunan
Facebook səhifəsi yoxlanılacaq.
Bundan sonra səsvermə prosesi yanvarın 28-i səhər saat 10:00-da
başlayacaq və yanvarın 30-u saat 10:00-da başa çatacaq.
“Vahid Milli Hərəkat”ın sədri seçkilərində Nika Melia, Levan
Xabeişvili, Qiorqi Mumladze və Nona Mamulaşvili iştirak edir.
Qeydiyyat, eləcə də səsvermə unikal texnoloji platforma olan
“Blockchain” sistemindən istifadə etməklə elektron şəkildə həyata
keçirilir.