Avropa İttifaqının (Aİ) Gürcüstandakı Monitorinq Missiyasına (EUMM
Georgia) yeni rəhbər təyin edilib.
Bu barədə Aİ Şurasının mətbuat xidməti məlumat yayıb.
Bildirilib ki, yunan diplomat Dimitrios Karabalis monitorinq
missiyasının rəhbəri təyin edilib.
O hazırda Yunanıstan Respublikasının Xarici İşlər Nazirliyinin
Rusiya, Ukrayna, Moldova, Cənubi Qafqaz və Mərkəzi Asiya üzrə
direktorudur.
"EUMM Georgia"nın rəhbəri kimi onun mandatı 2023-cü il fevralın
1-dən dekabrın 14-dək davam edəcək.
O, bu postda polşalı diplomat Marek Szczygieli əvəz edəcək.
Karabalisin təyin edilməsi barədə qərarı Aİ Şurasının Siyasi və
Təhlükəsizlik Komitəsi qəbul edib.