Gürcüstanın kənd təsərrüfatı nazirinin müavini Solomon Pavliaşvili
yaxın günlərdə Azərbaycana səfər edəcək.
Bunu Azərbaycanın Kənd Təsərrüfatı Nazirliyinin sektor müdiri
Toğrul Qafarbəyli bildirib.
Onun sözlərinə görə, səfərin məqsədi mayın 17-19-da Bakı Ekspo
Mərkəzində keçiriləcək sayca 16-cı Azərbaycan Beynəlxalq Kənd
Təsərrüfatı Sərgisi ("Caspian Agro") və 28-ci Azərbaycan Beynəlxalq
Qida Sənayesi Sərgisində ("InterFood Azerbaijan") iştirak
etməkdir.
"Sözügedən sərgilərə hər il yüksək səviyyəli xarici
rəsmilər gəlir", - deyə o qeyd edib.