Gürcüstanın baş naziri İrakli Qaribaşvili Rusiyanın 2008-ci il
müharibəsi zamanı təcavüzünün səbəbsiz olub-olmaması sualına cavab
verməyib.
Bu barədə ona Bratislavada keçirilən Qlobal Təhlükəsizlik Forumunda
sual verilib.
Qaribaşvili Rusiyanın təcavüzünün səbəbsiz olub-olmadığını
soruşduqda belə cavab verdi:
“Bu məsələ ilə bağlı təfərrüatları danışmaq istəmirəm,
çünki bizim öz fikrimiz var. Əgər o zaman hökumətimiz yerində
olsaydı, bu müharibədən qaçmaq üçün əlimizdən gələni edərdik.
Gürcüstan cəmi 4 milyon əhalisi olan kiçik bir ölkədir. Yaxşı
təchiz olunub və yaxşı ordusu var, amma yenə də kiçik ölkədir.
Buna görə də hesab edirəm ki, hər hansı bir hökumətin [müharibə
başlamaması] maraqlarına uyğun olmalıdır, xüsusən də kiçik bir
ölkənin Avropa İttifaqı və NATO üzvü olmadığı halda, təhlükəsizlik
zəmanəti yoxdur... Mən yox. Təfərrüatlara varmaq istəmirəm, amma bu
müharibə dağıdıcı oldu”, – Qaribaşvili bildirib.
O, Qlobal Təhlükəsizlik Forumunda da qeyd edib ki, 2008-ci il
müharibəsindən sonra Rusiyaya qarşı beynəlxalq sanksiyalar tətbiq
edilməli idi, amma belə olmayıb. Onun sözlərinə görə, o zaman
müharibəyə kifayət qədər diqqət yetirilməyib və dünya onun nə qədər
dağıdıcı olduğunu qiymətləndirməyib.