Bu gün, mayın 30-da Abxaziyada yerli müxalif siyasi qüvvələrin
təşkilatçılığı ilə
Suxumidə qondarma hökumət binası kompleksinin yaxınlığında
genişmiqyaslı mitinq başlayır.
Mitinqin məqsədi opponentlərin fikrincə, “Abxaziyanın ən yaxşı
torpaqlarını özgəninkiləşdirən”, “dövlət əleyhinə və dağıdıcı
addımlar atan” qondarma hökumətin istefasını tələb etməkdir.
Yerli KİV-in məlumatına görə, hökumət binaları yaxınlığında
təhlükəsizlik xidmətləri və milislər səfərbər olunub. Həmçinin
binalara giriş yerlərində qoruyucu qurğular və bəndlər qurulur.
Mitinqə bir gün qalmış qondarma qurumun mühafizə orqanlarının və
Baş Prokurorluğun rəhbərləri cəmiyyətdə qeyri-qanuni fəaliyyətin və
sabitliyin pozulmasının qarşısını almaq üçün vətəndaşları asayişi
qorumağa çağırıblar.