Rusiyanın xarici işlər naziri Sergey Lavrov hesab edir ki,
Gürcüstanın hazırkı hökuməti Qərbin bəyənmədiyi “suveren siyasət”
yürütmək istəyir.
Rusiyanın “Tass” dövlət agentliyinə 2024-cü ilin yekunları ilə
bağlı verdiyi müsahibədə Lavrov deyib ki, “ABŞ və Avropa İttifaqı
Tbilisini saxta dilemma qarşısında qoymağa çalışır: bizimlə və ya
bizə qarşı”, Gürcüstan hakimiyyəti sanki “milli maraqlara cavab
verəcək” “suveren” siyasət
yürütmək istəyir.
Lavrovun sözlərinə görə, Gürcüstan hökuməti ölkəni “sabitliyin
pozulmasına, iqtisadi problemlərə və Rusiya ilə münasibətlərin
kəskinləşməsinə” sövq edən “qərblilərin əlində piyada” olmaq
istəmir. Lavrov “şübhə etmir” ki, “gürcü xalqı hər şeyi başa düşür
və irəli gedəcək”.
Rusiya xarici işlər nazirinin sözlərinə görə, Gürcüstanda baş verən
proseslər “ikili standartlar”dan istifadənin nəticəsidir. Lavrov
hesab edir ki, ATƏT/DTİHB Gürcüstanda keçirilən seçkiləri azad kimi
tanıyıb, lakin onlar nəticələri “təkrar etmək” istəyirlər, ona görə
ki, “Vaşinqton və Brüsseldəki kuklalar xalqın seçimini
bəyənməyiblər”.
Rusiyanın xarici işlər naziri “TA” dövlət agentliyinə müsahibəsində
iddia edir ki, Moskva Gürcüstanın daxili işlərinə qarışmaq
niyyətində deyil.
Lavrovun sözlərinə görə, Tbilisinin buna nə dərəcədə hazır
olmasından asılı olaraq, Rusiya Gürcüstanla münasibətləri
“normallaşdırmağa” hazırdır.
Gürcüstanda müxalifətin saxta hesab etdiyi və yeni seçkilərin
keçirilməsini tələb etdiyi 26 oktyabr 2024-cü il parlament
seçkilərindən sonra etirazların yeni mərhələsi başlayıb.
Hökumətin 2028-ci ilin sonuna qədər Aİ-yə üzvlüklə bağlı
danışıqların başlanmasını gündəmə gətirməyəcəyini elan etdikdən
sonra nümayişlər 28 noyabrdan etibarən intensivləşib və vətəndaş
etirazları şəklini alıb.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415