Fevralın 5-də “Gürcü Arzusu”nun təsisçisi Bidzina İvanişvili Tbilisi Şəhər Məhkəməsində Birgə İnvestisiya Fondunun keçmiş rəhbəri Qiorqi Baçiaşviliyə qarşı davam edən iş üzrə uzaqdan ifadə verəcək.

İvanişvilinin Baçiaşviliyə qarşı davam edən işində İvanişvili zərərçəkmiş kimi tanınır.

Bu gün, fevralın 3-də keçirilən məhkəmə iclasında prokuror Mixeil Sadradze İvanişvilinin onlayn dindirilməsini istəyib. Prokuror səbəb kimi “təhlükəsizliyin təmin edilməsi zərurəti” və gözlənilən uzun dindirilmə vaxtını göstərib.

Qiorqi Baçiaşvilinin məhkəmə iclasından sonra dediyinə görə, İvanişvilinin uzaqdan dindirilməsinin səbəblərindən biri onun yaşı olub.

“Təxminən bir il əv

vəl dediyim kimi, Bidzina İvanişvili guya həqiqəti müəyyən etmək üçün burada görünməyə cəsarət etməzdi. Sinqapurda görünməyə cəsarət etmədiyi kimi, Bermud adalarında da görünməyə cəsarət etmədi. Bu gün gerçəkləşdi. Zərərçəkmiş tərəf, o cümlədən İvanişvili uzaqdan dindirilməsini xahiş edib, çünki o, uzun müddət suallara cavab verməli olacaq və onun yaşı da nəzərə alınmalıdır.
Ölkənin hakimi olduğunu iddia edən şəxs yaşına görə məhkəməyə gələ bilmir. Onun ictimai mənafeyə görə çox böyük məsuliyyəti var, ona görə də zəhmət çəkib məhkəməyə gəlməli idi. Təbii ki, bu məhkəmə və prokuror yalnız İvanişviliyə xidmət edir və o, bütün normaları pozaraq video formatda dindiriləcək. O, Gürcüstandadır və səhhəti ilə bağlı məlumat verilməyib. Buna görə də o, bura gələ bilər, bu, sadəcə, onun bu məsuliyyətdən qaçmaq istəyidir”, - Baçiaşvili bildirib.

İvanişvilinin dindirildiyi gün açıq məhkəmə iclasının olub-olmayacağı hələlik məlum deyil, baxmayaraq ki, Baçiaşvili məhkəmə prosesinin bağlı olması barədə əvvəlcədən qərar verildiyinə əmindir.

Prokurorluq 2023-cü ilin iyulunda Baçiaşviliyə qarşı cinayət təqibinə başlayıb. Söhbət külli miqdarda, yəni 8 253,13 bitkoinin mənimsənilməsi və qanunsuz gəlirlərin leqallaşdırılmasından gedir. Prokurorluğun məlumatına görə, sözügedən Bitcoin-in dəyəri mənimsənilmə zamanı 39 milyon 215 min 820 dollar olub.
Baçiaşvili özünü təqsirli bilmir. Özünün dediyi kimi, cinayət təqibi başlayandan sonra İvanişvilinin nümayəndəsi vəkilinə məktub yazaraq ondan külli miqdarda bitkoin tələb edib və o, bundan imtina edib.