Parlamentin Hüquq Məsələləri Komitəsi "FARA" qanununu birinci oxunuşda təsdiqləyib.

Parlamentin rəsmi saytında "FARA" qanun layihəsi 24 fevralda dərc edilib. Lakin dərc olunan mətn ABŞ yurisdiksiyasında olan şəxslərə və ABŞ institutlarına aid idi. Qanun layihəsində Gürcüstan haqqında heç bir qeyd yox idi və orada "xarici prinsipal", "xarici prinsipalın agenti", "ştat qanunları" kimi terminlər istifadə olunurdu.

Komitənin iclasında Gürcü Arzusu partiyasının deputatı Arçil Qorduladze izah edib ki, bu terminlər Gürcüstan reallığına və qanunvericiliyinə uyğun olaraq dəyişdiriləcək. Məsələn, qanunun icraedici qurumu olaraq Ədliyyə Departamenti yox, Antikorrupsiya Bürosu göstəriləcək, çünki Gürcüstan reallığında Ədliyyə Departamenti mövcud deyil.

Qorduladze əlavə edib ki, onlar "daha sərt, lakin effektiv bir qanun qəbul edirlər və əgər kimsə buna etiraz etmək istəyirsə, ABŞ-da – Ağ Evin və ya Konqresin qarşısında sərbəst şəkildə etiraz edə bilər".

24 fevralda İvanişvilinin parlament bürosunun iclasında "FARA" qanun layihəsi qeydə alınıb və müzakirə üçün Hüquq Məsələləri Komitəsinə təqdim edilib.

Qanunvericilik dəyişiklikləri ilə bağlı açıqlamanı İvanişvilinin nümayəndəsi Mamuka Mdinaradze 5 fevralda verib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---