Gürcüstanın Dövlət Təhlükəsizliyi Xidməti (DTX) bildirir ki, Rusiya işğalçı qüvvələri tərəfindən Qori bələdiyyəsinin Plavismani kəndi yaxınlığında qanunsuz saxlanılan qardaşlar – Tariel və Leonide Tenadzelər azadlığa buraxılıblar.

Qurumun məlumatına görə, onlar artıq Gürcüstanın mərkəzi hakimiyyətinin nəzarətində olan ərazidədirlər.

“Rusiya işğalçı qüvvələri tərəfindən Qori bələdiyyəsinin Plavismani kəndi yaxınlığında işğal olunmuş ərazidə qanunsuz saxlanılmış qardaşlar – Tariel və Leonide Tenadzelər qanunsuz həbsdən azad olunublar və hazırda Gürcüstanın mərkəzi hakimiyyətinin nəzarətində olan ərazidədirlər. Onların azadlığa buraxılması prosesində həm Avropa İttifaqının Gürcüstandakı Monitorinq Missiyasının (EUMM) dəstəyi ilə fəaliyyət göstərən 'qaynar xətt' mexanizmi, həm də mərkəzi hökumətin sərəncamında olan bütün müvafiq alətlərdən fəal şəkildə istifadə edilib”, – DTX-nin bəyanatında deyilir.

Qeyd edək ki, Rusiya işğalçı qüvvələrinin nümayəndələri bu ilin 11 martında Plavismani kəndi yaxınlığında üç Gürcüstan vətəndaşını qanunsuz olaraq saxlamışdılar. Onlardan biri tezliklə azad edilmişdi, iki nəfər isə bu vaxta qədər girovluqda qalırdı.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---