"Gürcü Arzusu"nun baş naziri İrakli Kobaxidze müsəlman icmasını Qurban Bayramı münasibətilə təbrik edib.

Kobaxidze bu münasibətlə Dini Məsələlər üzrə Dövlət Agentliyinin rəhbəri ilə birlikdə Tbilisi Cümə məscidini ziyarət edib.

O, müsəlman icmasının ölkənin inkişafına verdiyi mühüm töhfələrindən danışıb və dövlətin gələcəkdə də onlara dəstəyini davam etdirəcəyini qeyd edib.

“Ölkəmiz həm etnik, həm də dini müxtəlifliyi ilə fəxr edir. Bizim aramızda formalaşmış münasibətlər və dostluq bizim üçün çox qiymətlidir. Bu münasibətləri qoruyuruq və gələcəkdə də qorumağa davam edəcəyik. Gürcüstan hökuməti müsəlman icmasının maraqlarına maksimum dərəcədə diqqət yetirir və bu, gələcəkdə də belə olacaq. Siz ölkəmizin tərəqqisi və inkişafında böyük rol oynayırsınız və buna görə sizə təşəkkür edirəm”, – deyə İrakli Kobaxidze bildirib.

Məsciddə toplaşmış müsəlman dindarları Qurban Bayramı münasibətilə Dini Məsələlər üzrə Dövlət Agentliyinin rəhbəri Zaza Vaşaqmadze, Qərbi Gürcüstanın müftisi Adam Şantadze, Şərqi Gürcüstanın müftisi Etibar Eminov və Gürcüstan müsəlmanlarının şeyxi Faiq Nabiyev də təbrik ediblər. Bayram namazında diplomatik korpusun nümayəndələri də iştirak ediblər.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---