Gürcüstanın Təhsil Nazirliyinin tərkibində olan İnklüziv Təhsil İdarəsi bundan sonra müstəqil struktur vahidi kimi fəaliyyət göstərməyəcək. İdarə Strateji Planlaşdırma İdarəsi ilə birləşdiriləcək. Bu barədə məlumat mediada yayıldıqdan sonra Nazirliyin mətbuat xidməti xəbəri təsdiqlədi.

İnklüziv təhsil bütün növ xüsusi təhsil ehtiyacı olan çagirdlərin həmyaşıdları ilə birlikdə iştirak etdiyi bir prosesdir. Eyni zamanda, fiziki məhdud olan şagirdlərin fərdi ehtiyacları nəzərə alınır.

Nazirliyin açıqlamasında bildirilir ki, idarələrin birləşdirilməsi qərarı ilə “mövcud inklüziv inkişaf idarəsinə daha strateji əhəmiyyət verilib”.

Əlilliyi olan şəxs və aktivist Ana Sixiaşvili isə bu addımı inklüziv təhsilin artıq prioritet olmaması kimi qiymətləndirir.

“O zaman ki, sən bu idarəni ləğv edir və digər sahələrlə birləşdirirsən, bu o deməkdir ki, bu məsələ artıq önəm daşımır,” – deyə o, “TV Pirveli” ilə müsahibəsində bildirib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---