Marneuli məktəblərində Qəyyumlar Şuraları seçilib. Seçkilər 20 iyun
tarixində, Marneulinin 74 təhsil müəssisəsində keçirilib.
Yerli Resurs Mərkəzin direktor səlahiyyətlərini icra edən Əli
Qəhrəmanov bildirdi ki, ikinci turun keçirilməsinə yalnız Marneuli
şəhər 2 saylı ictimai məktəbində ehtiyac yaranıb.
“Qəyyumlar Şurası seçkilər hər yerdə obyektiv şəkildə keçirildi.
Marneuli şəhər 2 saylı ictimai məktəbində ikinci turun keçirilməsi
lazım gəldi. Valideyni seçə bilmədilər, ona görə seçkilər 23 iyunda
təkrar keçirildi”, – Əli Qəhrəmanov bildirdi.
Qəhrəmanovun sözlərinə görə, məktəblərin yenilənmiş şuraları yaxın
günlərdə öz funksiyalarını yerinə yetirməyə başlayacaqlar.
Şura valideyn və pedaqoqlar şurası tərəfindən bərabər sayda, 3 il
müddətinə seçilmiş ən az 6 ən çox 12 nümayəndədən, orta pillə
şagirdlər özünüidarəsi tərəfindən seçilmiş 1 nümayəndədən
ibarətdir. Məktəbərdə Qəyyumlar Şurasının əsas funksiyası direktor
seçmək, büdcəni istifadəyə vermək və daxili nizam-intizamı müəyyən
etməkdir.