İlia Dövlət Universitetində oxuyan Kvemo Kartlidən olan etnik azərbaycanlı tələbələr “Rus qanununa” etirazlarını bildirmək üçün andiçmə mərasiminə qoşulurlar. Andiçmə dərs prosesinin müvəqqəti olaraq dayandırılmasını və tələbələrin “Xarici Təsirin Şəffaflığı haqqında” qanuna etirazlarını bir daha aydın şəkildə göstərmələrini nəzərdə tutur. Andiçmə mərasiminə qoşulan Dmanisili tələbə Sayat Eyyubova bildirir ki, Rusiya işğalçı dövlətdir.

“Mən aksiyaya qoşuluram. Etnik azlıq olsaq

da bu dövlətdə doğulub-böyümüşəm. Bu dövlətin adını daşıyıram. Bizim yolumuz Avropayadır nəinki Rusiyaya. Avropanın və Rusiyanın bizə təklif etdiyi perspektivləri yaxşı bilirik. Rusiya Gürcüstanı əhatəsi altına alıb SSRİ-yə qaytarmaq istəyir. Biz buna qarşı çıxmalıyıq, çünki bizim yolumuz Avropayadır. Professorlar və tələbələr hansı qərarı alsalar, mən də onların yanında olacağam. Bu vətənin, bu torpağın mən də bir nümayəndəsiyəm” - Sayat Eyyubova dedi.

Bundan əlavə, andiçmə mərasiminə qoşulan Marneuli rayonunun Algeti kəndindən olan Nəzrin Hümbətova “Marneuli” radiosu ilə söhbəti zamanı bildirdi ki, gələcək üçün bugün baş verən aksiyalarda iştirak edilməlidir. 

“Azərbaycanlı olsaq da bizim vətənimiz Gürcüstandır və özümüz üçün, gələcəyimiz üçün bugün bizlər də iştirak etməliyik. Əlbəttə, dərslərin dayandırılması öz etirazımızı bildirdiyimizi göstərəcək” - Nəzrin Hümbətova bildirdi.

Qeyd edək ki, bu haqda universitetin professor və müəllimləri, tələbələrin qanuna qarşı etirazlarını bildirmələri üçün təhsil prosesini dayandırmaları tələbi olduğu halda onlara qoşulacaqlarını bəyan etmişdilər.

İlia və Tbilisi Dövlət Universitetlərinin tələbələrindən başqa, digər bir sıra universitetlərin tələbələri də and içdilər. Onlar arasında Gürcüstan Universiteti, Qafqaz Universiteti, Batumi Şota Rustaveli adına Dövlət Universiteti, Gürcüstan İctimai İşlər İnstitutu, Alte Universiteti, Tbilisi Dövlət Tibb Universiteti və Rəsm Akademiyasının lektor və tələbələrinin bir hissəsi də yer alır.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---

---

“Gürcü Arzusu” bir daha “Rusiya qanununu” qəbul etməyi planlaşdırır. Həmin qanun 2023-cü ilin mart ayında kütləvi etirazlar nəticəsində geri çəkilmişdi. “Gürcü Arzusu” ötən il vəd vermişdi ki, “Rusiya qanunu” Parlamentə qaytarmayacaqlar. Amma vədi pozublar. “Gürcü Arzusu” qanun layihəsinin ilkin formasından yalnız “agent” sözünü çıxarıb və onu xarici maraqların daşıyıcısı ilə əvəz edib.
Qanuna görə, gəlirinin 20%-dən artığı xaricdən əldə olunan bütün QHT və media təşkilatlar xarici qüvvələrin maraq daşıyıcısı hesab olunurlar. Dövlət bu təşkilatların fəaliyyətini və məqsədlərini araşdırmayacaq, onların hamısına xarici qüvvələrin maraq daşıyıcısı adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən gələn maliyyəyə deyil, Avropa və Amerikadan gələn maliyyəyə istiqamətlənib.
Qanunun irəli sürülməsinə görə, Avropa İttifaqı üzvləri və Gürcüstanın dost ölkə liderləri öz təəccüblərini bildiriblər, Rusiya Prezidentinin mətbuat katibi isə “Gürcü Arzusu”-nun qanununu bəyənib.