Bu il Marneuli uşaq bağçalarının işçilərinə mükafatlar veriləcək.

Uşaq Bağçaları Birliyinin rəhbəri Zaur Kərəmov “Marneuli” radiosuna məlumatı təsdiqlədi və bildirdi ki, uşaq bağçaları əməkdaşlarına veriləcək mükafatın miqdarı hələlik məlum deyil. Onun sözlərinə görə, bütün bunlar büdcədən ayrılan, hələ hesablanmayan vəsaitlərdən asılıdır.

“Bağça işçilərinə verilən mükafatların miqdarı hələlik məlum deyil. Bu büdcədəki imkanlardan asılıdır. Buna səbəb

ərzaq tədarükü müqavilələri üzrə illik borcların olmasıdır. Bu borclar ödənildikdən sonra büdcədəki qənaət tamamilə mükafatlara xərclənəcək. Yalnız bu ilin sentyabr ayında işə qəbul olunanlar istisna olmaqla, bütün işçilərə mükafat veriləcək. Buna səbəb qanunda nəzərdə tutulan məhdudiyyətdir”, – Kərəmov bildirdi.

Birliyin rəhbərinin sözlərinə görə, mükafatlar bağçaların bütün işçilərinə, o cümlədən tərbiyəçilər, müəllimlər və rəhbər işçilərə veriləcək.

Marneuli miqyasında 14 bağça fəaliyyət göstərir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---