Mayın 31-də Maradisi kəndində leykemiyadan əziyyət çəkən uşaqlara yardım məqsədilə xeyriyyə festivalı təşkil olunacaq. Tədbir Maradisi İctimai Məktəbinin Ekologiya Klubunun təşəbbüsü ilə baş tutacaq.

Məktəbin müəllimi Lamara Bolkvadzenin bildirdiyinə görə, festival çərçivəsində müxtəlif məktəblərin şagirdləri və yerli sahibkarlar tərəfindən hazırlanmış əl işləri, çiçəklər və rəsm əsərləri nümayiş olunacaq.

“Maradisidən olan sahibkarlar qonaqlara Gürcüstanda nadir hallarda yetişdirilən, iqlimə

davamlı tərəvəz növlərini təqdim edəcək və bu məhsullardan yeməklərin hazırlanması qaydalarını da göstərəcəklər. Festival çərçivəsində həmkar məktəblərin eko-klubları, müəllimlər və sahibkarların iştirakı ilə konsert proqramı da keçiriləcək. Bundan əlavə, yaşıllaşdırma aksiyasının keçirilməsi planlaşdırılır,” – deyə Lamara Bolkvadze sosial şəbəkədə yazıb.

Festivalda paxlava, xaçapuri, lobiani və digər yeməklər satışa çıxarılacaq. Tədbirdən əldə olunan gəlir tam şəkildə leykemiyadan əziyyət çəkən uşaqların müalicəsinə yönləndiriləcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---