Ermənistanın Baş naziri Nikol Paşinyan bütün ermənilərin katolikosu II Qareginin legitimliyini sual

altına alaraq bildirib ki, əgər katolikosun evlənməmək andını pozaraq övlad sahibi olduğu sübuta yetirilərsə, onun Ermənistan Apostol Kilsəsinin rəhbəri vəzifəsində qalması mümkün deyil.

Sosial şəbəkədə yaydığı bəyanatda Paşinyan şəxsi həyata hörmət etdiyini qeyd etsə də, vurğulayıb ki, belə şəxsi həyat tərzi katolikos üçün yolverilməzdir, çünki onun dini rolu ictimai və mənəvi məsuliyyətlə sıx bağlıdır.

Baş nazirin sözlərinə görə, bu məsələ təkcə dini yox, həm də dövlət təhlükəsizliyi baxımından əhəmiyyətlidir.

Ermənistan Apostol Kilsəsi ilə Nikol Paşinyan arasında münasibətlər uzun müddətdir ki, gərgin olaraq qalır. Qarabağ müharibəsindən sonra II Qaregin açıq şəkildə Paşinyanı istefaya çağırmışdı. Son günlərdə isə qarşıdurma daha da dərinləşib.

Artıq bir neçə gündür ki, Paşinyan və onun həyat yoldaşı sosial şəbəkələrdə katolikosu sərt tənqid edirlər. Məsələn, Paşinyan yazır:

“Bəs nə baş verir, əgər məlum olsa ki, ruhani şəxs paklıq andını pozub? Bu zaman o, rütbəsini, titulunu və vəzifəsini itirir. Mənəvi baxımdan hansı daha ləyaqətlidir – könüllü istefa, yoxsa həqiqətin üzə çıxacağından qorxaraq səssizcə əzab çəkmək?”

Onun həyat yoldaşı Anna Akopyanın paylaşımları da bir o qədər sərt olub. O, paylaşımında “ölkənin pedofillərindən” və onların “həyatlarının qaranlıq tərəflərindən” bəhs edir və katolikos II Qaregini ölkənin “baş mafiozu” adlandırır.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---