“Care Caucasus” məktəb müəllimləri üçün qadın hüquqları və bərabərlik mövzusunda təlim elan edib.

Tədbir Avropa İttifaqının maliyyə dəstəyi ilə “Təhlükəsiz və Bərabər Cəmiyyət Naminə” layihəsi çərçivəsində keçirilir.

Təlim kursunun məqsədi yerli əhali arasında qadın hüquqları, qadınlara qarşı zorakılıq və məişət zorakılığı barədə məlumatlılığın artırılmasına töhfə verməkdir. Kurs çərçivəsində uşaq bağçaları, məktəb müəllimləri və peşə liseylərinin şagirdləri üçün əvvəlcədən müəyyən edilmiş mövzu üzrə məlumatların verilməsi nəzərdə tutulur.

Hədəf qrupu:
Kaxeti və Kvemo Kartli bölgələrində fəaliyyət göstərən ümumtəhsil məktəblərinin vətəndaşlıq təhsili, tarix, gürcü dili və xarici dil müəllimləri. Təlim iki qrupda keçiriləcək (hər qrupda 15 nəfər).

Təlimin qrafiki:

• Kaxeti qrupu – 7-8 avqust (2 gün/1 gecə)
• Kvemo Kartli qrupu – 8-9 avqust (2 gün/1 gecə)

Təlimin keçiriləcəyi yer:
Kaxeti, Telavi şəhəri, "Zuzumbo" mehmanxanası, Gürcüstan Universiteti küçəsi.

Təlimin mövzuları:

• İnsan hüquqları və qadın hüquqları;
• Bərabərlik, sosial normalar və stereotiplər;
• Qadınlara qarşı zorakılıq və məişət zorakılığı;
• Əmək bölgüsü və bərabərliyin təmin olunmasında kişilərin rolu.

Təlim zamanı interaktiv məşğələlər, simulyasiya oyunları və real hadisələrin (keyslərin) müzakirəsindən istifadə olunacaq.

İştirak meyarları:
Namizəd Kaxeti və ya Kvemo Kartli bölgəsinin istənilən bələdiyyəsində yerləşən orta məktəbdə vətəndaşlıq, tarix, gürcü dili və ya xarici dil müəllimi kimi çalışmalıdır.

Təlimin şərtləri:
İştirak, bir gecəlik yaşayış və yemək pulsuzdur. Həmçinin iştirakçılar üçün təyinat yerinə gediş-gəliş də təşkil olunacaq.

Qeydiyyat:
Təlimdə iştirak etmək istəyən və hədəf qrupuna uyğun olan şəxslər aşağıdakı linkdə qeydiyyat formasını doldurmalıdırlar (LİNKƏ DAXİL OLUN).

Son müraciət tarixi: 17 iyul 2025-ci il.

Əlavə suallar üçün Tamar Kasraşvili ilə bu e-poçt vasitəsilə əlaqə saxlaya bilərsiniz:  CLOAKING

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---