Meriya hesab edir ki, Azərbaycan dilində onların fəaliyyətini işıqlandırmaq üçün televiziya yetərli rol yerinə yetirir

Artıq yeddinci gündür ki, Marneuli meriyasının rəsmi facebook səhifəsində Azərbaycan dilinə tərcümə edilmiş yeniliklər və bəyanatlara rast gəlmirik.

Qeyd olunan məsələ ilə bağlı Marneuli meriyasına rəsmi məktub yazdıq.

“Niyə bələdiyyənin fəaliyyəti haqqında Azərbaycan dilinə tərcümə edilmiş məlumat yayımlanmır” sualına cavab ənənəvidir, demək olar ki, heç bir nəticə vermir və məktubdan yalnız onu başa düşürük ki, meriya müxtəlif etnosların dövlət dilini öyrənməsinə, eləcə də etnik azlıqların dilində məlumatın əlçatanlığına dəstək olur.

Bələdiyyənin fəaliyyətinin Azərbaycan dilində yayımlanmasına gəldikdə isə görünür meriya bu kontekstdə yalnız münasibətləri bələdiyyə müqaviləsi ilə qeydə alınan Marneuli Televiziyasının olmasını yetərli sayır. Bizim verdiyimiz onsuzda meriyanın rəsmi veb səhifəsində ictimai məlumat olan suala isə cavab verməkdən ikinci dəfə çəkinib.

Məktubun cavabını olduğu kimi təqdim edirik:

“Yerli özünüidarəetmə daima bələdiyyənin ərazisində yaşayan müxtəlif etnosların qarşılıqlı yaşam rolunu, eləcə də ölkənin sosial – iqtisadi və ictimai həyatında onların tam iştirakı üçün mövcud olan ehtiyacları nəzərə alır. Onların dövlət dilini öyrənməsinə, eləcə də etnik azlıqların dilində məlumatına əlçatanlığına dəstək göstərir. Bələdiyyənin fəaliyyəti haqqında Azərbaycan dilinə tərcümə olunmuş məlumata gəldikdə isə bildirmək istəyirik ki, Marneuli Meriyası “Marneuli Tv” ilə bağladığı müqavilə əsasında bələdiyyə ərazisində gedə proseslərin davamlı işıqlandırılmasını telekanalın efiri vasitəsilə gürcü və Azərbaycan dilində təmin edir”.

Qeyd edilməlidir ki, televiziya infrastruktur layihələri və bələdiyyə məclisinin iclaslarını işıqlandırır, amma bələdiyyə məclisinin anonsu, planlaşdırılan tədbirlər və.s. kimi məlumatlar yayımlamır və buna görə də Azərbaycan dilli əhalinin bələdiyyənin fəaliyyəti proseslərinə əlçatanlığı məhdudlaşır.

Xatırladaq ki, Marneuli meriyası fəaliyyətləri ilə bağlı məlumatı 2018-ci ilin 2 oktyabrından sonra paylaşmır. Bizimlə söhbət zamanı İnsan Hüquqlarının Tədrisi və Monitorinq Mərkəzi EMC–nın Bərabərlik proqramı layihəsinin rəhbəri Tamta Mikeladze bildirir ki, bələdiyyə öz əhalisinin çoxetnikliyindən dolayı məlumatı onlara başa düşəcəkləri dildə çatdırmaq öhdəliyi daşıyır. Bunun yerinə yetirilməməsi isə inteqrasiya problemi yaradır.

“Mən düşünürəm ki, məhz etnik azlıq qruplarının təcrid olunmasına bu səbəb olur. Belə çıxır ki, dövlət onlarla danışmır, dövlət onları gedən siyasət haqqında məlumatla təmin etmir. Bu isə aydındır ki, regionda təcrid olunma və inteqrasiya probleminin birinci səbəbidir” – Mikeladze deyir.


"Marneuli" Radiosu

 

Print