“Spar” əməkdaşlarına qarşı zorakılıq işi üzrə təqsirləndirilən Manana Qiorqobiani barəsində qətimkan tədbiri olaraq həbs tətbiq edilib.

Qərarı Tbilisi Şəhər Məhkəməsinin hakimi Arsen Kalatozişvili verib.

Bugünki iclasda məhkəmə Qiorqobiani barəsində qətimkan tədbirinin seçilməsi məsələsini müzakirə edib.

Prokuror Qiorqi Dolakidze bildirib ki, təqsirləndirilənin qaçma, yeni cinayət törətmə və şahidlərə təzyiq göstərmə ehtimalları mövcuddur. Bu səbəbdən Manana Giorgobianaya qarşı həbsin tətbiqi əsaslı sayılıb.

Müdafiə tərəfi prokurorun mövqeyinə qatılmayıb. Vəkil Levan Marsaqişvili qeyd edib ki, prokuratura Qiorqobianiyə psixiatrik ekspertiza təyin edib.

Manana Qiorqobiani isə deyib:
“Əsla dəli deyiləm, yalan danışmayın. Heç bir psixi pozuntu yoxdur.”

Vəkil əlavə edib ki, prokurorluğun qeyd etdiyi hallar mövcud deyil və Qiorqobianinin cinayət törətmə, qaçma və şahidlərə təsir göstərmə riski yoxdur. Buna görə müdafiə tərəfi məhkəmədən Qiorqobianiyə qarşı 5.000 larilik girov tətbiq edilməsini xahiş edib.

İş üzrə növbəti məhkəmə iclası 24 dekabr tarixinə təyin olunub. Həmçinin bu işlə əlaqədar daha 5 nəfər həbs edilib, onlardan biri Mamuka Çarkvianinin oğlu Jako Çarkvianidir.

Manana Qiorqobianiyə qarşı Gürcüstan Cinayət Məcəlləsinin 225-ci maddəsinin birinci hissəsi ilə ittiham irəli sürülüb (qrup əməliyyatını təşkil etmək və rəhbərlik etmək, zorakılıqla müşayiət olunan hərəkətlər), bu maddə üzrə cəza 9 ilədək həbs nəzərdə tutur.

Prokurorluğun açıqlamasında bildirilir ki, 2 noyabrda Tbilisidə bir mağazada Qiorqobiani əməkdaşlardan pulun dəyişdirilməsini tələb edib, ondan imtina edildikdə isə aqressiv davranaraq zərərçəkənlərə həm sözlü, həm də fiziki təzyiq göstərib. Mağazadan çıxdıqdan sonra Qiorqobiani beş nəfəri hadisə yerinə gətirərək qrup halında zərərçəkənlərə fiziki zor tətbiq etdirib və hadisə yerindən qaçıb.

Mənbə: Publika

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.