2025-ci ildə Gürcüstanda diri doğulanların sayı 37 867 nəfər təşkil edib. Onların 19 856-sı oğlan, 18 011-i isə qızdır. Bu məlumat Milli Statistika Xidmətinin demoqrafik göstəricilərindən əldə olunur.

Məlumata görə, bu göstərici əvvəlki illə müqayisədə 4.1 faiz azalıb.

“2025-ci ildə ən çox doğum halı Tbilisidə qeydə alınıb (14 334 uşaq), ən az doğum isə Raça-Leçxumi

və Aşağı Svaneti bölgəsində baş verib (191 uşaq).

2025-ci ildə diri doğulanların ümumi sayında birinci övladların payı 2024-cü illə müqayisədə 35.9 faizdən 36.6 faizə yüksəlib, ikinci övladların payı azalıb və 32.9 faiz təşkil edib. Üçüncü və sonrakı doğumların payı isə demək olar ki, dəyişməyib – 29.1 faiz.

2025-ci ildə diri doğulanların ümumi sayında 25 yaşa qədər olan anaların payı 23.2 faizdən 21.9 faizə düşüb, 25–39 yaş arasında olan anaların payı 69.5 faizdən 70.4 faizə yüksəlib. Artım həmçinin 40 yaş və yuxarı olan analar arasında da qeydə alınıb – bu göstərici 7.3 faizdən 7.7 faizə çatıb.

2025-ci ildə ilk uşağın doğulması zamanı ananın orta yaşı 27.4 olaraq müəyyən edilib,” – deyə Milli Statistika Xidmətinin məlumatında bildirilir.

Gürcüstanda doğum göstəricisi tarixi minimuma çatıb
Rəsmi statistikaya əsasən, 2025-ci ildə Gürcüstanda mənfi təbii artım qeydə alınıb, yəni vəfat edənlərin sayı diri doğulanların sayını üstələyib. Qeyd olunur ki, bu vəziyyət illərdir davam edir və doğum göstəricisi ildən-ilə azalır. 2025-ci ilin məlumatlarına görə, ölkədə doğum səviyyəsi son otuz ilin ən aşağı həddinə düşüb (Milli Statistika Xidmətinin demoqrafik məlumatları 1994-cü ildən etibarən mövcuddur).

“2025-ci ildə, 2024-cü illə müqayisədə, vəfat edənlərin sayı 0.8 faiz artaraq 44 319 nəfərə çatıb. Ən çox ölüm halı Tbilisidə (12 743 nəfər), ən az ölüm isə Raça-Leçxumi və Aşağı Svaneti bölgəsində qeydə alınıb (585 nəfər).

2025-ci ilin məlumatlarına görə, körpə ölümü əmsalı (1 yaşadək ölən uşaqların sayı — 1 000 diri doğulana) 7.6 promille təşkil edib. 5 yaşadək ölüm əmsalı isə (1 000 diri doğulana) 9.1 promille olub.

2025-ci ildə Gürcüstanda mənfi təbii artım (diri doğulanlar və vəfat edənlərin say fərqi) qeydiyyata alınıb və –6 452 təşkil edib.

Bundan əlavə, mənfi təbii artım bütün bölgələrdə qeydə alınıb, yalnız Tbilisi, Acarıstan Muxtar Respublikası və Kvemo Kartli bölgəsi istisna olmaqla,” – deyə Milli Statistika Xidmətinin məlumatında bildirilir.

Evlilik və boşanma statistikasına gəlincə, Milli Statistika Xidmətinin məlumatına görə, 2025-ci ildə 22 285 nikah qeydə alınıb ki, bu da əvvəlki illə müqayisədə 2.9 faiz çoxdur.

Məlumata əsasən, qadınlarda ilk nikahın orta yaşı 30.1 il, kişilərdə isə 32.4 il təşkil edir.

Həmçinin bildirilib ki, 2025-ci ildə qeydə alınmış boşanmaların sayı 13 173 olub ki, bu da əvvəlki illə müqayisədə 2.6 faiz azdır.

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.