ABŞ-ın maliyyə naziri Skott Bessent bəyan edib ki, Vaşinqton Rusiya və İran neftinin satın alınmasına icazə verən ümumi lisenziyaların müddətini yeniləməyəcək.

Nazirin sözlərinə görə, ABŞ Çinin də bu ölkələrdən neft alışını dayandıracağını gözləyir. Bessent qeyd edib ki, artıq Çinin iki bankı mümkün "ikinci dərəcəli sanksiyalar" barədə xəbərdarlıq alıb. Əgər İran pullarının bu banklar vasitəsilə dövriyyə olunduğu təsdiqlənərsə, onlara qarşı sərt məhdudiyyətlər tətbiq ediləcək.

Bessent həmçinin İran neftini alan digər ölkələrə qarşı da ikinci dərəcəli sanksiyaların tətbiq olunma ehtimalını istisna etməyib.

Sanksiyaların bərpası və iqtisadi təsirlər
"Politico" nəşrinin məlumatına görə, aprelin 11-də xüsusi lisenziyanın müddəti bitdikdən sonra Rusiya neftinə qarşı sanksiyalar yenidən qüvvəyə minib. Bu müvəqqəti lisenziya yalnız tranzitdə olan neftin satılmasına imkan verirdi.

ABŞ administrasiyası əvvəlcə icazənin uzadılmasını müzakirə etsə də, bir qrup senator buna kəskin etiraz edib. Onlar vurğulayıblar ki, Rusiya təkcə son bir ay ərzində neft sövdələşmələrindən təxminən 4 milyard dollar gəlir əldə edib.

Qeyd edək ki, sözügedən ümumi lisenziyalar İranla gərginlik və Hörmüz boğazındakı vəziyyət fonunda neft qiymətlərinin artmasının qarşısını almaq üçün verilmişdi. Lakin İslamabadda keçirilən ABŞ-İran danışıqlarının uğursuzluqla nəticələnməsindən sonra "Brent" markalı neftin qiyməti yenidən yüksələrək bir barel üçün 100 dolları ötüb.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.