"Basisbank" "Liberty Bank"ı satın alaraq onun səhmlərinin 95,99%-lik payına sahib olub.

Yayımlanan rəsmi bəyanata əsasən, bu tranzaksiya Gürcüstanın bank sektorunun inkişafında mühüm mərhələ hesab olunur və bazarda yeni imkanlar yaradır.

"Liberty Bank"ın və hökumətyönlü "İmedi" medianın sahibi İrakli Ruxadze hələ 5 iyun tarixində "Basisbank" tərəfindən bankın satın alınması ilə bağlı danışıqların getdiyini təsdiqləmişdi.

"Liberty Bank"ın baş direktoru Beka Qogiçaişvili mövzu ilə bağlı bildirib:

"Bankın əhəmiyyətli transformasiya və böyümə keçirdiyi dövrdə 'Liberty' komandasına rəhbərlik etmək mənim üçün böyük şərəf idi. Bankın uğurunun əsasını təşkil edən hər bir əməkdaşın peşəkarlığına və sadiqliyinə görə minnətdaram. Əminəm ki, bu sövdələşmə bank, onun müştəriləri və komandası üçün yeni imkanlar yaradacaq, bu da nəticədə bank sistemini və ölkəmizin iqtisadiyyatını gücləndirəcək".

Sanksiyalarla əlaqəsi varmı?
2025-ci il iyunun 5-də Ruxadze qeyd etmişdi ki, bankın mümkün satışı sanksiyalarla bağlı deyil:

"Bizim bütün şirkətlərimiz satılır. Hətta deyim ki, bir azdan Gürcüstanda yeni nəsə aldığımızı elan edəcəyik. Ona görə də bunun sanksiyalarla heç bir əlaqəsi yoxdur. Sanksiyalarla bağlı bu qondarma təhlükə uzun müddətdir var, biz isə çox ağıllı insanlarıq və bu təhlükəyə necə hazırlaşmalı olduğumuzu bilirik".

Xatırladaq ki, iyunun 4-də BMG agentliyi "Basisbank" və "Liberty Bank" arasındakı müqavilənin bir neçə həftə ərzində tamamlanacağı barədə məlumat yaymışdı.

Mənbə: Tabula

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.