İran 2026-cı il Dünya Kubokunda "mütləq" iştirak edəcək. Bunu FIFA prezidenti Canni İnfantino aprelin 15-də deyib. Yaxın Şərqdə müharibə fonunda ABŞ prezidenti Donald Tramp İran komandasının oyunçularına "həyat və təhlükəsizliyə görə" çempionata getməməyi tövsiyə etmişdi.

"İran mütləq gələcək. Ümid edirik ki, o vaxta qədər sülh olacaq, bunun da mütləq köməyi dəyər", – İnfantino ABŞ-nin CNBC telekanalına deyib.

"İran gəlib öz xalqını təmsil etməlidir. Onlar oyuna vəsiqə qazanıblar, oyunçular oynamaq istəyirlər", – İnfantino əlavə edib.

İranın oyunları
İran komandasının oyunlarının Los-Anceles və Sietldə keçirilməsi planlaşdırılır. İyunun 15-də Yeni Zelandiya, iyunun 21-də isə Belçika ilə qarşılaşma gözlənilir. İyunun 26-da İranın Sietldə Misirlə oyunu nəzərdə tutulur. İran növbəti mərhələyə yüksəlsə, növbəti oyunları da ABŞ-də keçiriləcək.

İran FIFA-dan oyunlarının Meksikaya keçirilməsini xahiş edib, lakin rədd cavabı alıb. Dünya Kubokuna ABŞ, Kanada və Meksika birlikdə ev sahibliyi edəcək.

İnfantino deyib ki, o, bu yaxınlarda İran yığması ilə Türkiyənin Antalya şəhərindəki təlim-məşq düşərgəsində görüşüb, futbolçular ona oynamaq istədiklərini deyiblər.

"Onlar oynamalıdır, idman siyasətdən kənar qalmalıdır", – İnfantino vurğulayıb.

"Biz Ayda yaşamırıq, Yer planetində yaşayırıq. Amma başqa heç kim körpülər qurmağa və onları qorumağa inanmırsa, bunu biz edirik", – o əlavə edib.

Sonuncu dəfə milli komandanın FIFA Dünya Kubokundan imtinası 1950-ci ildə baş verib. İkinci Dünya müharibəsindən sonra keçirilən ilk turnirə bir neçə komanda qatılmamışdı.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.