Saqareco–Badiauri arasında yerləşən 17 kilometrlik yol hissəsi, Kaxeti magistralının mühüm seqmentlərindən biri olmaqla artıq aktiv tikinti mərhələsindədir və regionda nəqliyyatın keyfiyyətinin əhəmiyyətli dərəcədə yaxşılaşdırılmasını hədəfləyir. Bu barədə Gürcüstanın İnfrastruktur Nazirliyi məlumat yayıb.

Qurumun məlumatına görə, layihə çərçivəsində Badiauri yaxınlığında yeni nəqliyyat qovşağı, 4 körpü, 8 yolötürücü və 86 suötürücü borunu əhatə edən dörd zolaqlı sürətli avtomobil yolu tikilir. Paralel olaraq, yeni magistralın ətraf yollarla mümkün qədər səmərəli birləşməsi üçün yerli yol şəbəkəsi də qaydaya salınır. Hazırda torpaq yatağının və yol örtüyünün qurulması davam edir, həmçinin süni qurğuların tikintisi intensiv şəkildə aparılır.

Yeni yolun əsas üstünlüklərindən biri yaşayış məntəqələrində nəqliyyatın azalması olacaq. Yol beş sıx məskunlaşmış kəndi – Toxliauri, Manavi, Çailuri, Kakabeti və Badiaurini kənardan keçəcək. Nəticədə kəndlərin daxilində nəqliyyat axını azalacaq, hərəkətin təhlükəsizliyi və ətraf mühitin qorunması yaxşılaşacaq.

Magistral yol istifadəyə verildikdən sonra hərəkət məsafəsi 2 kilometr azalacaq, səfər vaxtı isə demək olar ki, yarıbayarı qısalacaq. Eyni zamanda, yolun ötürmə qabiliyyətinin təxminən üç dəfə artacağı gözlənilir.

Layihənin mühüm hissələrindən biri də Badiauri nəqliyyat qovşağı yaxınlığında yeni ticarət məkanının yaradılmasıdır. Müasir və təhlükəsiz infrastruktur yerli sahibkarlar üçün əlverişli şərait yaradacaq və onların fəaliyyət imkanlarını genişləndirəcək.

Məlumata görə, layihə tam şəkildə satıcıların ehtiyaclarına uyğun hazırlanıb və burada satış və parkinq sahələri, sanitar qovşaqlar, köməkçi anbarlar, işıqlandırma və yaşıl zonalar təşkil olunacaq. Hər bir satıcı üçün bərabər ticarət və anbar sahəsi ayrılacaq. Ərazidə avtobus dayanacağı və müasir təhlükəsizlik sistemləri də qurulacaq.

Yeni ticarət məkanı həm yerli sahibkarlar, həm də Tbilisi–Bakurtsixe–Laqodexi beynəlxalq magistral yolundan istifadə edənlər üçün asan əlçatan olacaq ki, bu da kiçik biznesin inkişafına və regionun iqtisadi güclənməsinə əlavə dəstək verəcək.

Nazirliyin məlumatına görə, yeni magistral müasir yol təhlükəsizliyi standartlarına tam uyğun olacaq və işıqlandırma sistemi ilə təchiz ediləcək.

Magistral yolun tikintisinin bu il başa çatdırılması planlaşdırılır. Bundan sonra Kaxeti magistralının ən mürəkkəb hesab olunan 52 kilometrlik hissəsində – Tbilisi–Saqareco–Badiauri istiqamətində nəqliyyatın hərəkəti açılacaq.

Qeyd edək ki, Saqareco–Badiauri magistral yolu Dünya Bankından alınmış kredit və dövlət büdcəsinin birgə maliyyələşdirilməsi hesabına tikilir. Layihənin ümumi dəyəri 276,7 milyon lari təşkil edir.

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.