“Gürcü Arzusu” hökumətinin baş naziri İrakli Kobaxidze Türkiyədə, Antalya Diplomatiya Forumunun liderlər panelində çıxış edəcək. Türkiyə prezidenti Rəcəb Tayyib Ərdoğanla ikitərəfli görüş də planlaşdırılıb – bu barədə məlumatı hökumət administrasiyasının rəhbəri Levan Jorjoliani yayıb.

Levan Jorjolianinin sözlərinə görə baş nazirin rəhbərlik etdiyi Gürcüstan nümayəndə heyəti Antalya Diplomatiya Forumunda iştirak edəcək. Baş nazirə liderlər panelində çıxış etmək imkanı veriləcək. Bundan əlavə, panel müzakirələri olacaq, nümayəndə heyəti açılış sessiyasına qatılacaq. İkitərəfli görüşlər də nəzərdə tutulur və onların arasında prezident Ərdoğanla görüş də yer alacaq.

Forumun məqsədi, ölkələrin bu gün yalnız regionda deyil, bütün dünyada mövcud olan qlobal çağırışların aradan qaldırılması üçün maksimum əməkdaşlıq etməsidir.

Antalya Diplomatiya Forumu nədir və kimlər iştirak edir?
Antalya Diplomatiya Forumunun (ADF2026) beşinci görüşü 17–19 aprel tarixlərində Türkiyənin Antalya şəhərində keçirilir.

Bu ilki forumun mövzusu:
“Sabahın qurulması, qeyri-müəyyənliklərin idarə olunması” — və o, “geopolitik gərginliklər, güc balansının dəyişməsi, artan ticarət baryerləri və çoxtərəfli əməkdaşlığa artan təzyiq fonunda formalaşan qlobal mühit”ə fokuslanır.

ADF2026-da 155 ölkənin nümayəndəsi toplaşacaq. Onların arasında 20-dən çox dövlət və hökumət başçısı, 61 nazir (onlardan 52-si xarici işlər naziri) və 15 parlament üzvü var. Ümumilikdə forumda liderlər, diplomatlar, siyasət formalaşdıran şəxslər, akademik çevrələrin, biznesin, medianın və vətəndaş cəmiyyətinin nümayəndələri iştirak edəcəklər.

Regiondan İrakli Kobaxidzedən başqa, foruma Azərbaycan prezidenti İlham Əliyev də qatılacaq. Ermənistandan isə xarici işlər nazirinin müavini Vahan Kostantin iştirak edəcək.

Antalya Diplomatiya Forumunda Rusiya Federasiyasının xarici işlər naziri Sergey Lavrov da iştirak edəcək. Ukrayna isə tədbirdə xarici işlər naziri Andri Sibixanın təmsilçiliyi ilə yer alacaq.

Ənənəvi olaraq tədbir iştirakçılarına Türkiyə prezidenti Rəcəb Tayyib Ərdoğan müraciət edir. O, əsas beynəlxalq çağırışlar və mühüm regional və qlobal məsələlər üzrə Türkiyənin mövqeyini açıqlayacaq.

Balkan ölkələrindən forumda Şimali Makedoniya prezidenti Gordana Siljanovska-Davkova və xarici işlər naziri Timço Muçunski iştirak edəcəklər. Rumıniyanı xarici işlər naziri Oana Toyu təmsil edəcək. Serbiyadan isə baş nazir və xarici işlər naziri foruma qatılacaq.

Yunanıstandan forumda 7 iştirakçı olacaq, lakin onların heç biri hökumət üzvü deyil.

Yaxın Şərqdən Suriya adından tədbirdə prezident Əhməd əl-Şara və xarici işlər naziri Əsəd əl-Şibani iştirak edəcəklər. İrandan isə xarici işlər nazirinin müavini Səid Xətibzadə qatılacaq.

Forumda iştirak edən liderlər arasında Qətər əmiri Şeyx Təmim bin Həmad Al Tani, Qazaxıstan prezidenti Kasım-Jomart Tokayev və Pakistanın baş naziri Şahbaz Şərif də yer alacaq.

Mənbə: BusinessMedia

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.