İranda artıq 70-ci gündür internetə genişmiqyaslı məhdudiyyət hökm sürür. Bunu dünyada internet bağlantısının monitorinqini aparan "NetBlocks" xidməti mayın 8-də bildirib.

Məlumata görə, internetin kəsilməsi və xidmətlərə məhdudiyyətlər ən çox yardıma ehtiyacı olan insanlara – əlilliyi olan şəxslərə, tələbələrə, kiçik bizneslərə zərər vurur.

İran hökuməti internetin kəsilməsini fevralın 28-də ABŞ və İsraillə müharibə başlayandan sonrakı təhlükəsizlik vəziyyəti ilə izah edir.

Tənqidçilər və ekspertlər isə müharibəni əsl səbəb saymırlar. Onların fikrincə, bu, sadəcə insanları qlobal internet əvəzinə İranın daxili Milli İnformasiya Şəbəkəsinə üz tutmağa məcbur etmək üçün bəhanədir.

Çox yüksək qiymətə internet xidməti təklif edirlər
AzadlıqRadiosunun fars xidmətinin məlumatına görə, hökumət rəsmiləri və hakimiyyətə yaxın şəxslərin internetə çıxışı qalır. "Ağ SIM kartlar", yəni xüsusi icazəli kartlar verilən şəxslər də bu sıradadır.

Bu arada bəzi telekommunikasiya operatorları son vaxtlar müəyyən peşə və sosial qruplara çox yüksək qiymətlərlə "səviyyəli" internet xidmətləri təklif etməyə başlayıblar.

"NetBlocks"un məlumatına görə, aprelin 5-də İranda internet kəsintisi ölkədə ən uzunmüddətli internet blokadasına çevrilib.

İnternetə məhdudiyyətlərin geniş iqtisadi və sosial zərərə səbəb olması haqda məlumatlar geniş yayılıb, bəzi yerli media orqanları, hətta hökumət rəsmiləri belə bu barədə danışmağa başlayıb. Lakin internet blokadasına görə heç bir qurum və ya rəsmi şəxs məsuliyyəti üzərinə götürməyib və ya rəsmi izahat verməyib.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.