Rustavi Metallurgiya fəhlələlərinin bir hissəsi tətilə çıxıb
Rustavi metallurgiya zavodunda 100-ə qədər fəhlə
bu gün, 16 mayda tətilə çıxıb.
Zavodun marketinq üzrə meneceri Salome İaseşvili
Netgazetiyə bildirib ki, fəhlələrin iki əsas tələbi var - əmək
haqqının artırılması və üç növbəlik sistemdən dörd növbəlik sistemə
keçməkdir. İaseşvilinin sözlərinə görə, hazırda 3 briqada çalışır
və fəhlələrin rəhbərliyə bildirdiyinə görə, yerinə yetirilməli olan
işləri çatdıra bilmirlər və məhz buna görə də dördüncü briqadanın
əlavə olunmasını tələb edirlər.
Salome İaseşvilinin dediyinə görə, zavodun rəhbərliyi fəhlələrin
tələblərini yerinə yetirmək üçün bir günlük müddət istəyib ki,
bunları yerinə yetirmək zavoda neçəyə başa gələcək və müvafiq
qərarı bundan sonra qəbul edəcək.