Saakaşvili Zelenskiyə vətəndaşlığını qaytarmaq üçün müraciət edib
Gürcüstanın keçmiş prezidenti Mixeil
Saakaşvili və onun vəkili Ruslan Çernolutski Ukrayna prezidenti
Vladimir Zelenskinin administrasiyasından
Saakaşviliyə
vətəndaşlığın qaytarılması ilə bağlı müraciət
edib.
“Bütün hüquqşünaslar təsdiq edir ki, mənim
vətəndaşlığımın alınması qanunsuzdur. Çünki Ukrayna
Konstitusiyasına əsasən Ukrayna vətəndaşının vətəndaşlığını almaq
olmaz, beynəlxalq hüquqa əsasən şəxsi ümumiyyətlə vətəndaşlıqdan
kənar qoymaq olmaz” – Mixeil Saakaşvilinin 22 may
tarixində olan məktubunda deyilir. Məktubun bu hissəsini “Interfax”
yayımlayıb.
Saakaşvili məktubda deyir ki, öz mövqeyini məhkəmədə müdafiə
edəcək.
Mixeil Saakaşvilinin vətəndaşlığının qaytarılması ilə bağlı
Zelenski hələ seçkiqabağı dövrdə danışırdı. 31 martda Gürcüstanın
İctimai Yayımçısının Saakaşvili ilə bağlı sualına Zelenski belə
cavab verib: “Gəlsin. Düşünürəm ki, Mixeil Saakaşvili ən böyük rolu
indi oynayır, Ukraynanın demokratiyasını Avropada müdafiə edir və
bunu öz hərəkətləri ilə göstərir. Hesab edirəm ki, o, ciddi
diplomatdır və bütün adamlar, bu gün siyasətə gedən və prezident
olacaq bütün namizədlər üçün ciddi məsləhətçidir. Düşünürəm ki,
Saakaşvili kimi adamların köməyi hamıya lazım olacaq” (tərcümə -
İctimai Yayımçı).