Amnesty Avropa Liqasının final oyununun Bakıya təyin edilməsinə görə UEFA-nı tənqid edib
Beynəlxalq hüquq müdafiə təşkilatı Amnesty
İnternational UEFA-nı (Avropa Futbol Assosiasiyasiyaları
Birliyi)
Avropa Liqasının final oyununun Azərbaycanın
paytaxtı Bakıya təyin olunmasına görə tənqid edib.
Bakı Olimpiya Stadionu 29 mayda Avropa Liqasının finalında Arsenal
və Çelsi futbol klubları arasında keçiriləcək oyuna ev sahibliyi
edəcək.
Amnesty-nin bəyanatına görə, Azərbaycan hakimiyyətinə hüquq
verilməməlidir ki, “yüksək səviyyəli, dəhşətli hüquqi vəziyyəti
futbol oyunlarını keçirməklə örtsün”.
“The Guardian” nəşriyyatının yazdığına görə, UEFA-nın final
oyununun Bakıda keçirilməsi qərarını azarkeşlər və hüquq müdafiə
təşkilatları kəskin tənqid edirlər.
Amnesty-nin Böyük Britaniya Şöbəsinin rəhbəri Kate Alen bildirib
ki, yüksək reytinqi olan idman yarışlarından müxtəlif hakimiyyətlər
çox hallarda repressiya siyasəti və insan hüquqlarının ciddi
pozulmasından diqqəti yayındırmaq üçün istifadə edir və bu üsulla
çalışır ki, “açıqlıq” illüziyası yaratsın. “Arsenal-Çelsi
qarşılaşması buna bir nümunədir” – o, deyir.
Bakıda Arsenalın yarımmüdafiəçisi Henrix Mxitariyan oynamayacaq.
Bakıya getdiyi halda onun təhlükəsizliyi sual altında qalırdı. UEFA
və Azərbaycan hakimiyyətini buna görə də tənqid edirlər ki,
Mxitaryanın təhlükəsizliyinə zəmanət vermirlər.
Azərbaycan qonşu Ermənistanla Dağlıq Qarabağa görə silahlı münaqişə
vəziyyətindədir. Mxitaryan əslən Ermənistandandır.
21 mayda Arsenal belə məzmunda bəyanat yayımlayıb: “Bütün imkanları
əsaslı şəkildə öyrəndik ki, Miki (Mxitaryan) komanda ilə birgə
gəlsin, ancaq Miki ilə və onun ailəsi ilə danışıqlardan sonra birgə
qərar verdik ki, o, bizimlə birgə səfər etməyək”.