Polis ailə üzvünü amansızlıqla qəsdən öldürmə
ittihamı ilə bir nəfəri saxlayıb.
Bu
haqda "Interpressnews"a Daxili İşlər Nazirliyindən bildiriblər.
Onların məlumatına görə 1943-cü il təvəllüdlü müttəhim öz yeznəsinə
soyuq silahla zərbə vurub. Yaralanan xəstəxanaya yerləşdirildikdən
sonra dünyasını dəyişib.
“Daxili İşlər Nazirliyinin Kvemo Kartli Polis
Departamentinin əməkdaşları aparılan operativ əməliyyat nəticəsində
ailə üzvünü amansızlıqla qəsdən öldürmə ittihamı ilə 1943-cü il
təvəllüdlü A.İ.-ni saxlayıb.
Törədilmiş cinayət 13-dən 17 ilə qədər həbs cəzasını nəzərdə
tutur.
İstintaq nəticəsində aydın olub ki, müttəhim cari ilin 24 iyununda
mübahisə nəticəsində kürəkəni 1980-ci il təvəllüdlü B.N.-ya soyuq
silahla zərbə vurub. Təcili yardım briqadası yaralını ilk əvvəl
Qardabanidə yerləşən klinikaya, daha sonra isə Tbilisiyə
xəstəxanaya aparıb. Ancaq onun həyatını xilas etmək mümkün olmayıb.
Polis cinayətin törədildiyi silahı – bıçağı maddi sübut kimi
müsadirə edib.
Ailə üzvünə qarşı törədilmiş amansızlıqla qəsdən adamöldürmə faktı
ilə bağlı Cinayət Məcəlləsinin 109-cu maddəsinin 2-ci hissəsinin
“v” bəndi ilə istintaq aparılır” – Daxili İşlər
Nazirliyinin məlumatına deyilir.