Senaki-Tbilisi yolunda iki avtomobil yanıb - ölən və yaralılar var (VİDEO)
01:22 / 19.08.2019
Senaki-Tbilisi mərkəzi magistral yolunun Nosir
kəndi yaxınlığında yol-nəqliyyat hadisəsi baş verib. Yol-nəqliyyat
hadisəsi zamanı iki nəfər dünyasını dəyişib.Qəza
zamanı iki avtomobil toqquşub. Zərbədən sonra avtomobillərdən biri
çevrilib və yanmağa başlayıb. Daha sonra yanğın ikinci avtomobilədə
keçib.
Qəza zamanı avtomobildən birində olan iki nəfər yanaraq ölüb. Digər
avtomobildə olanlar isə xəsarət alıb.
Hadisə yerinə polis, yanğınsöndürən və Təcili Tibbi yardım
Xidmətinin əməkdaşları cəlb edilib.
Yanğın DİN-in əməkdaşları tərəfindən söndürülüb.
Daxili İşlər Nazirliyindən verilən məlumata görə, hadisə ilə bağlı
Cinayət Məcəlləsinin 276-cı maddəsinin 6-cı hissəsi ilə istintaq
başlayıb. Həmin maddə nəqliyyat vasitəsinin hərəkəti təhlükəsizliyi
və ya istismarı qaydalarının insan ölümüylə nəticələnən pozulmasını
nəzərdə tutur.
Yerlilərin sözlərinə görə, hər iki avtomobil yanacaq kimi qazdan
istifadə edirmiş.
Video görüntülər Qoqita Odişaria tərəfindən sosial şəbəkədə
paylaşılıb.