Bolnisi rayonunun Faxralı (Talaveri) kəndində
həyat yoldaşının qətlində ittiham olunan şəxs polisə özü təslim
olub.
Yerli mənbənin Azadlıq radiosuna verdiyi
məlumata görə, dünən, qətlə qədər ər-arvad qonaqlıqda olub, axşam
evə qayıdıblar, sonra evdən çıxıblar, gecə yarısı isə kişi öz
avtomobili ilə polisə gedib və bildirib ki, arvadını öldürüb və
cəsədi maşındadır. Mənbəyə əsasən ər arvadını boğub.
Yerli mənbənin məlumatına görə, ailədə mübahisə olmayıb. Onların üç
azyaşlı övladı var, onlardan ikisi əkizdir.
DİN-nin məlumatına görə, kişi saxlanılıb.
Gürcüstan Daxili İşlər Nazirliyindən verilən məlumata görə, hadisə
ilə bağlı Gürcüstan Cinayət Məcəlləsinin 11 prima 109-cu maddəsinin
2-ci hissəsinin “v” bəndi ilə istintaq aparılır. Həmin maddə ailəni
bir üzvünü amansızlıqla qəsdən öldürməni nəzərdə tutur.
Hadisə yerində istintaq işləri aparılır.
Mənbə:
www.radiotavisupleba.ge