Tbilisi bələdiyyəsinin təfdiş komisiyasının iclasında fiziki qarşıdurma baş verib (VİDEO)
16:44 / 24.01.2020
Qarşıdurma
nəticəsində, “Milli hərəkatın” üzvü Levan Xabeişvili xəsarət
alıb.
Baş verən hadisə ilə bağlı Levan Xabeişvili jurnalistlərə məlumat
verib.
“Onlar çox idilər və məqsədləri zorakılıq etmək idi.
Bir nəfərə qarşı 10-15 nəfər hücum etdi. Onlara və ictimaiyyətə
demək istəyirəm ki, əgər kimsə elə bilirsə mənim gözümün üstünü
qaraldaraq, problemini həll edəcək, çox yanılır. Mən siyasi həyatım
üçün ailəmi belə geridə qoymuşam və bütün həyatımı Bidzina
İvanişviliyə, Kaladzeyə və oğrular dünyasına qarşı mübarizəyə həsr
etmişəm. Tək-tək mənə güc yetirə bilmədikləri üçün çoxluqla mənə
hücum etdilər. Xalq bilməlidir ki, onların üstümə hücum etmələrinin
səbəbi sadəcə olaraq, təmizlik əməkdaşlarının 8 larilik maaşı
haqqında söz etməyim oldu. Gündə 3 dollar verərək, onları qul kimi
çalışdırırlar”, – Levan Xabeişvili dedi.