Mixeil Saakaşvilinin azad edilməsi tələbi ilə planlaşdırılmış
askiyaya Marneulililər də qoşulur.
Bu gün, 14 oktyabr tarixində, Marneulidən Tbilisiyə onlarla
avtomobil və mikroavtobuslar gedib.
“Vahid Milli Hərəkat”-ın üzvü Davit Kimadze “Marneuli” radiosu ilə
söhbəti zamanı bildirdi ki, Saakaşvilinin azad edilməsi tələbi ilə
keçiriləcək aksiyaya getmək üçün demək olar, Marneulinin bütün
kəndlərinin əhalisi səfərbər edilib.
“Bu bizim bütün ictimaiyyətin tələbi və istəyidir ki,
bizim prezident azad edilsin. Bu gün bizim prezidentin kamerada
olması faktı utandırıcıdır və dövlətin törətdiyi cinayətdir. Çünki
bizim prezidenti həbs ediblər. Biz ona görə toplaşırıq ki,
Tbilisiyə gedək. Dinc aksiya ilə hakimiyyətdən Mixeil Saakaşvilinin
azadlığını tələb edək”, – Davit Kimadze bildirdi.
Gürcüstanın üçüncü prezidentinin azad edilməsi tələbi ilə
keçiriləcək aksiyaya Marneulili İamze Maisuradze də qoşulur.
“Bu adamı çox sevirəm və istəyirəm ki, Mixeil
Saakaşvili azad edilsin. Mişa Saakaşviliyə azadlıq. O, bizim
prezidentimizdir. Onu sevirəm və məhz buna görə də aksiyaya
gedirəm.”
Tbilisidə, Parlament binası qarşısında keçiriləcək aksiyaya
qoşulmaq üçün Marneulidən yüzdən artıq maşın gedib. “Vahid Milli
Hərəkat”-dan bildirdilər ki, Marneulidən aksiyaya minlərlə adam
qoşulacaq.