“Mixeil Saakaşvili 18 saylı müəssisəyə yeni
köçürülən zaman o, əməkdaşlarımızı təhqir edib və fiziki zorakılıq
tətbiq edib,
bahalı tibbi avadanlıqları zədələyib. Biz bununla bağlı
müvafiq tədbirlər görəcəyik”, – noyabrın 8-də
Gürcüstanın Ədliyyə naziri Rati Breqadze “İmedi” telekanalına
bildirmişdi.
Dünən Penitensiar Xidmət bəyanat yayıb və qurum Saakaşviliyə qarşı
intizam işinin niyə aparıldığını açıqlayıb:
“Məhkumun zədələdiyi əşyanın dəyəri 150 laridən az
olub. Məhbusluq haqqında Məcəllənin 80-ci maddəsi ilə iş
törədildiyi göz qabağında olub”, – deyə yeni
məlumatda bildirilir.
Ədliyyə Nazirliyinin daha əvvəl yaydığı kadrlarda Mixeil
Saakaşvilinin palatada ürək döyüntüsünü ölçən monitoru vurub yerə
saldığı görünür.
Maraqlıdır ki, qurumdan verilən məlumata görə, Ədliyyə nazirinin
bahalı tibbi avadanlıq adlandırdığı monitorun dəyərini müəyyən
etmək üçün ekspertiza həyata keçirilib.