Qonşulardan birinin sözlərinə görə, qətlə görə tutulan şəxs keçmiş
həyat yoldaşını hədələyirmiş.
Lakin onun sözlərinə görə, qətl günü heç kim heç nə eşitməyib və
ölən qadını qardaşı tapıb.
"Düşünürəm ki, ölən şəxs xəstəxanaya aparılıb, dəqiq
məlumatımız yoxdur. O, hədələyirdi. Bu oğlan da narkotika aludəçisi
idi və bir az nalayiq davranışları var idi. Bu qızdan əl çəkmirdi,
sinif yoldaşları idilər və bir-birlərini sevirdilər, amma sonra
oğlan çox qarışdırdı və son bir ildir ayrılmışdılar. Mərhum 3
övladı ilə Laqodexidə kirayədə tək yaşayırdı və orada işlə məşğul
olurdu. Əvvəllər bu oğlanın yaxınlaşmama haqqında iltizamı var idi,
çünki kiçik oğlunu bağdan çıxarıb Tbilsiiyə aparmışdı. Onların
alimentlə bağlı da iddiaları olub. Bir-birləri ilə razılaşıblar,
nəhayət, bu oğlan gəlib-getməyə başladı və uşaqları da gətirdi,
hələ də sivil insanlar kimi görüşürdülər. Qətl günü bura iki dəfə
gəlmişdi və bu, çox qeyri-adekvat idi, ona görə də qızın anası
şübhələnir və qaz məsələsi ola bilməyəcəyini deyir. Qazla boğulmuş
ola bilməzdi, birincisi pəncərələrdən biri açıq idi, həmçinin qaz
sobasının yanında tutuquşu qəfəsi də asılmışdı və tutuquşular sağ
idi. Meyit müayinə üçün aparılıb, daha sonra gətirilib və şübhəli
halların müəyyən edilməsi üçün yenidən aparılıb. Hələ heç nə
bilmirik. Həmin gün heç kim heç nə eşitmədi. Qardaşı meyiti əynində
pencək və çəkmə ilə çarpayıda uzanmış vəziyyətdə
tapıb”, – deyə qonşusu bildirib.