Yerli özünüidarənin, vətəndaş cəmiyyətinin, media, kiçik və orta
biznesin gücləndirilməsi məqsədi ilə Marneulidə "vətəndaş
cəmiyyətinin sosial, iqtisadi və siyasi həyatda bərabər, tam
iştirakı naminə" layihəsi həyata keçiriləcək.
Layihənin meneceri Qiorqi Tvaliaşvili "Marneuli" radiosu ilə
söhbəti zamanı bildirdi ki, 42 ay ərzində Gürcüstanın altı
bələdiyyəsində, eləcə də Marneulidə layihə çərçivəsində müxtəlif
təlimlər keçiriləcək, qrant müsabiqələri elan ediləcək. Müsabiqədə
mülki təşkilatlar və kiçik, orta biznes nümayəndələri iştirak edə
biləcəklər.
"Vətəndaş cəmiyyətinin gücləndirilməsi üçün
istiqamətlərdən biri belədir ki, müxtəlif təlimlər keçiriləcək 6
bələdiyyədən 60 iştirakçı seçiləcək. Təlimlər gender, təşviqat,
büdcə məsələləri və s. mövzularda olacaq ki, mülki fəallar qrupu
daha da gücləndirilsin. Bundan əlavə, hər bələdiyyədə 3-4
təşkilatın seçilməsi planlaşdırılır. Onlara təlimlər keçiriləcək.
Eləcə də qrant müsabiqəsinin elan edilməsi planlaşdırılıb. Müsabiqə
təşviqat məsələlərinə istiqamətlənəcək. Bu qrant müsabiqəsində hamı
iştirak edə biləcək və qrant üçün dəyər 5000 avro təşkil edir.
Həmin dəyər təşviqat məsələlərinə və tanıdılmaya xərclənməlidir ki,
etnik azlıqların iştirakı və gender məsələlərinin qaldırılması daha
çox olsun”.
Yerli özünüidarə və medianın gücləndirilməsi istiqamətində layihə
çərçivəsində əsasən təlimlər, master-klass və mübadilə
proqramlarının keçirilməsi planlaşdırılır. “Vətəndaş cəmiyyətinin
sosial, iqtisadi və siyasi həyatda bərabər, tam iştirak naminə”
layihəsinin menecerinin sözlərinə görə, mübadilə proqramının səbəbi
yerli özünüidarə, media nümayəndələrinin təcrübəsinin
artırılmasıdır. Onlar müxtəlif təcrübələri mübadilə edəcəklər.
Layihə çərçivəsində biznes istiqamətinfə 2000-dən 60 000 avroya
qədər qrant verilməsi planlaşdırılır ki, biznesin inkişafına dəstək
göstərilsin.
Layihənin təqdimatı 29 aprel tarixində, Bolnisidə muzeydə baş
tutub. Təqdimatda Marneuli yerli özünüidarəsinin, vətəndaş
cəmiyyəti, media, biznes nümayəndələri iştirak ediblər.
“Vətəndaş cəmiyyətinin sosial, iqtisadi və siyasi həyatda bərabər,
tam iştirak naminə” layihəsi Avropa İttfaqının maliyyə dəstəyi ilə
Gürcüstanın 2 regionunun 6 bələdiyyəsində həyata keçiriləcək.
Layihədə Samtsxe-Caxavetidən 3 bələdiyyə - Axaltsixe, Axalkalaki və
Ninotsminda iştirak edəcək. Kvemo Kartlidən isə Marneuli, Bolnisi
və Dmanisi qoşulacaq.
Layihə 2022-ci ilin yanvarında başlayıb, 2025-ci ilin iyun ayına
qədər davam etdiriləcək.