Şagirdlər üçün “Sovet İttifaqının başa çatmasından 30 il” adlı
tarix müsabiqəsi başlayır. Tarix müsabiqəsi alman Körber Fondu
(Körber-Stiftung) və Xalq Universitetləri Alman Assosiasiyasının
beynəlxalq əməkdaşlıq institutu - DVV International-ın eqidi,
Almaniyanın Xarici İşlər Nazirliyinin maliyyə dəstəyi ilə artıq
üçüncü dəfədir başlayır.
DVV International-ın layihə koordinatoru Marika Kereselidze
“Marneuli” radiosu ilə söhbəti zamanı bildirdi ki, bu ilki müsabiqə
iki yaş qrupu üçün keçiriləcək.
“Vacib şərtdir ki, şagirdlərin öz tarix müəllimi
qismində bələdçisi olsun. Ona görə, hədəf auditoria eyni zamanda
məktəb şagirdləri və tarix müəllimləridir. Biz əvvəlcədən çox sayda
tarix müəllimi ilə əlaqə saxladıq, onlar bu layihə ilə
maraqlandılar və onlara istiqamət vermək üçün onlayn təlimlər
keçdik. Müsabiqədə bir fərdi şagird və eləcə də kiçik şagird
qrupları da iştirak edə bilər. Bu ilki müsabiqəni biz iki yaş qrupu
üçün nəzərdə tutmuşuq. Baza (12-15 yaş) və orta pillə (15-18 yaş)
şagirdlər üçün. Orta pillədə olan şagirdlər üçün “insanların,
icmanın Sovet İttifaqı və keçid dövründəki Gürcüstan barədə
yaddaşı” mövzsu seçildi. Baza pilləsi şagirdlərinin işləri isə
Sovet İttifaqı və keçid dövründəki Gürcüstanda “məktəb və yaşam”
mövzusuna həsr edilməlidir.”
Şagirdlərin öz işlərini müxtəlif formatlarda təqdim etmək imkanı
var. Eləcə də esse, referat, tarixi hekayə, fotokolleksiya poster
ya animasiya formasında da mümkündür.
İştirak etmək istəyən şagirdlər anketi doldura və qeyd olunan
ünvana göndərə bilərlər:
This e-mail address is being protected from spambots. You need JavaScript enabled to view it
Həmçinin, anketi müsabiqənin Facebook səhifəsindən də yükləmək
mümkündür:
https://www.facebook.com/HCgeorgia3.0
İşlərin son qəbul vaxtı 31 may tarixidir.