Marneuli “Mədəniyyət Mərkəzi” tərəfindən planlaşdırılmış mədəni
tədbir, “Şin” çoxmillətli festivalının təşkili üçün 22 000 lari
dəyərində tender elan olunub.
Mədəniyyət Mərkəzi bu tenderi 11 may tarixində də elan etmişdi.
Ancaq namizədlər tərəfindən qeyri-dəqiq məlumata görə, tender
dayandırılıb.
Yeni tender 20 may tarixində elan edilib. Tenderə əsasən, bələdiyyə
balıq, göbələk, ay və ürək formalı butaforların alınmasını
planlaşdırır. Vintaj mebel, retro güzgü, dekorativ fiqurlar,
çılçıraqlar və pərdələrin alınması planlaşdırılır.
Tender müğənnilərin axtarılmasını da nəzərdə tutur.
- Gürcü polifoniyasının ifaçısı, etnomusiqiçi qadın
(30-45 yaşa qədər)
- Aşıq qadın Azərbaycan folkloru, ifaçı (30-45 yaşa
qədər)
- Erməni folkloru, ifaçı qadın (25-35 yaş)
“Şin” festivalı Marneuli bələdiyyəsinin Algeti kəndində, Algeti
çayının ətrafında keçiriləcək. “Mədəniyyət Mərkəzinin” rəhbərinin
sözlərinə görə, “Şin” çoxmillətli festivalının ənənəvi keçirilməsi
planlaşdırılır. Festival keçirilməsi üçün yer hər il dəyişəcək və
Marneulinin müxtəlif kəndlərində keçiriləcək.
“Festival yalnız musiqili olmayacaq. Müvafiq dekorasiya
ilə sərgilər olacaq və Marneuli bələdiyyəsində yaşayan etnik
azlıqların mədəniyyətini eləcə də gürcü mədəniyyətini əks
etdirəcək. Müəyyən performansslar da olacaq. Musiqili hissə qarışı,
çoxmillətli repertuarlarla dolu olacaq”, – Nato
Şavişvili 26 apreldə “Marneuli” radiosuna bildirmişdi.
Festivalın keçirilməsinin təxmini vaxtı 12 iyun olaraq müzakirə
olunur.