Penitensiar müəssisənin tibb şöbəsinin müdiri Malxaz Urtmelidze
bildirib ki, həbsdə olan Gürcüstanın üçüncü prezidenti həkimin
göstərişinə tabe olmur. Eyni bəyanata görə, Mixeil Saakaşvili
dərman qəbul etməkdən imtina edir.
"Məhkum Mixeil Saakaşvili hələ də həkimlərin verdiyi müalicə
tövsiyələrinə əməl etmir. O, dərman qəbul etməkdən, enteral
qidalanmadan və tibbi manipulyasiyalardan imtina edir. Biz bir daha
məhkum Mixeil Saakaşvilini həkimlərin xahişini nəzərə almağa və
onların reseptini yerinə yetirməyə çağırırıq”, -
Malxaz Urtmelidze bildirib.
Mixeil Saakaşvilinin anası Qiuli Alasania bildirib ki, oğlu
həkimlərin göstərişlərinə əməl edir.
"Bəzən deyirlər ki, arıqlayır, gah da deyirlər ki, kökəlməkdədir.
Belə çıxır ki, yemək yemir, amma kökəlir, bilmirəm bu necə olur.
Görürəm ki, arıqlayır, vəziyyəti çox pisdir, bir dəri-bir sümük
qalıb. Hərəkət edə bilmir.Gücü qalmayıb...Hər dəqiqə bir tibb
bacısı içəri girib bir neçə “tablet” verir və heç eşitməmişəm ki,
imtina edib...” - Qiuli Alasania jurnalistlərə
bildirib.
Dünən, martın 28-də Alasania jurnalistlərə bildirib ki, oğlu artıq
58 kilodur. “Vivamed”in klinik direktoru Zurab Çxaidze isə bildirib
ki, “əslində xəstənin çəkisi daha çoxdur”:
"Bu gün xəstənin çəkisi 64 kiloqram 400 qramdır. Əvvəlki
məlumatlarla müqayisədə bu, artıb".